تدلل ..

[حاسب الرويلي]

السلام عليكم ورحمة الله وبركاته

مشاركه بسيطه بعد طول انقطاع

ارجو ان تنال على رضى ذائقتكم

تدلل لعن ابو جد القصايد والشعر يفداك =تدلل يا بعد روح القصيد وروح من قاله
تدلل وانت ما تدري عن الي واردك يظماك =شربتك نبع لين انه سرى في دمي زلاله
تدلل لك حبيب ٍ لا طلبته ما قدر يعصاك =تدلل يا ربيع العمر يا ديمه وهمّاله
انا لولا شعوري بك حبيبي ما طلبت رضاك =ولا جت لك بنات الفكر منقيه ومختاله
بيوت ٍ لك منقيها عن النقاد والشكاك =هواجس شاعر ٍ مثل الذهب فيدين عماله
بعد ما جيتني تنثر عطورك يا غصين الراك =الا حي المكان الي جمعنا يا سعد فاله
عبير يفوح بانفاسك وعودك غار لي من فاك =بدا يعزف على اوتار الكلام وذب مواله
تشرّب وجهك بنور الصباح وفاض بمحياك =تحت ليل ٍ معنيه السواد وهمّ باذلاله
توقد جمرتينك كل ما عضيت لي بشفاك =وكنك تشعم الجمره بصدر ٍ فاحت دلاله
سجد رمشك على ورد الخدود وقلت له لباك =والا مّنك رفعته فوق غطى الورد بظلاله
بدايات البياض وآخر كفوف الترف يمناك =نهايات الحرير الي يعلّق فيك آماله
حبيبي وش تقول بعاشق ٍ صب ٍ عجز ينساك =كتب اسمك على كل الجهات وصار ترحاله
يشوفك كل ما لدت عيونه من هنا وهناك =مطر صوتك حيا صدر ٍ زمانه سبة محاله
عشقتك لين ما قلبي تركتني ولاذ يم حماك = عبيري فرحتي صبحي وريف العمر وظلاله
ولا يمكن على طول البعاد وغيبتي بجفاك=يمر الوقت ما اتغيّر ولو غيّر لي احواله

[سليمان مفضي العنزي]

الله يحييك ياحاسب

شاعر متمكن ولديه قدره فذه في كتابة الشعر بأبداع

لله درك على هذا النص الراقي

[بدرفهد الجعفري]

مبدع ياحاسب الرويلي

ياهلا ومرحبا مليون وان شاء الله ماتغيب الا عن الشر واللي مثلك لانريده ان يبتعد عنا

بل كن بالقرب دائما وامتعنا بما تكتب

صح لسانك مليووون

[سالم صالح]

حاسب الرويلي


ياهلا بك ملياااار ومن طول الغيبات جاب الغنايم

صح السانك ابدااااااااع ليس له حدود من شاعر مبدع ويعرف كيف يصيغ الكلمات لتصبح شعراً مملوء بالمشاعر الراقية

تقبل تقديري وننتظر ابداعاتك القادمة

[حاسب الرويلي]

المشاركة الأصلية كتبت بواسطة سليمان مفضي العنزي

الله يحييك ياحاسب

شاعر متمكن ولديه قدره فذه في كتابة الشعر بأبداع

لله درك على هذا النص الراقي

الله يبقيك يا اخوي سليمان

ما عليك زود طال عمرك ..

لك المحبه والتقدير

[حاسب الرويلي]

المشاركة الأصلية كتبت بواسطة بدرفهد الجعفري

مبدع ياحاسب الرويلي

ياهلا ومرحبا مليون وان شاء الله ماتغيب الا عن الشر واللي مثلك لانريده ان يبتعد عنا

بل كن بالقرب دائما وامتعنا بما تكتب

صح لسانك مليووون

صح قلبك اخوي فهد وجعل الشر ما يجيك

انتم اخوتي واسعد بالتواجد بينكم

تقبل ودي

[حاسب الرويلي]

المشاركة الأصلية كتبت بواسطة سالم صالح

حاسب الرويلي


ياهلا بك ملياااار ومن طول الغيبات جاب الغنايم

صح السانك ابدااااااااع ليس له حدود من شاعر مبدع ويعرف كيف يصيغ الكلمات لتصبح شعراً مملوء بالمشاعر الراقية

تقبل تقديري وننتظر ابداعاتك القادمة

ربي يحييك دبلها يا سالم

ليس لي غنيمه الا تواجدي بينكم ومعانقة ما خطته اناملكم

اشكرك بحجم السماء