منتدى الويلان

[بندر السديري]

بسم الله الرحمن الرحيم

السلام عليكم ورحمة الله وبركاته

هذه اول مشاركه لي بهاالمنتدى الرائع اللي اتمنى له ولـ اعضائه وادارته كل التوفيق والنجاح
وعسى هاالقصيده تجملني امامكم

سلام الله عدد ماغنت الورقا على الاغصان=وعدد مالاح براق الحيا وهلت تباشيره
وعدد ماسطر بكبد الورق من كايف القيفان=وعدد ماشب خفاق المولع شوق(ن)وغيره
على رجال(ن) تحل الكايده وتكرم الضيفان=مطالق(ن) تنومس باالسلوم وتحشم الجيره
وانا يومي ورت العد اسقاني وانا ضميان=وعلى جاله انوخ قاف حرفي وياالله الخيره
تحياتي على كل الحضور بمنتدى الويلان=وعسى ربي يجملني واسوق الطيب واديره
وهذي قافية بندر تمد يمينها من شان=تسافر في معاليق الحنايا بدون تأشيره
تدوج بفكر عشاق القصيد الرايع الطربان=وتشبع رغبة الشفقان للشعر بحذافيره
قصيدي ياقصيدي سم باالله وادحر الشيطان=تقدم وافتح قفول الصدور وفضها سيره
قصيد(ن) مايحرك جفن عين ومايهز إلسان=رفيق(ن) بار باالخوه وخانت به معاذيره
والا يالله دخيلك من حضور(ن) ابكم ونقصان=وانا في وجهك من غرور شيطاني وتقصيره

وسلامتكم

[تركي فلاح]

صح لسانك شاعرنا الغالي

وافي وجزل وأبيض وجه طال عمرك ..



ألف حياك الله بيننا بمنتدى الويلان ,,,




دمت بعز ..





تركي فلاح

[خلف الغريب]

اولا وقبل الشعر كله مرحبا واهلا وسهلا بهذا الحضور وكلنا ترحيب حار بحضورك بيننا فحيا الله الخوال والارحام والجيران السدارى عموما ممثلة بشخصك الكريم
هذه الشجرة الكريمة التي انبتت على مدى القرون الابطال والامراء والقادة والشعراء والكتاب ..

ارحب بك اجمل ترحيب ونتشرف بهذا الاهداء الجميل منك وصح لسانك ونحن في شوق لجديدك هنا ..

تحياتي لك ...

[سالم صالح]

ياهلا بك مليار فانت صاحب البيت وحضورك وافي وبعيد عنك النقص لاهنت


بندر السديري


صح السانك وبيض الله وجهك على هالشامخة وبانتظار القادم باذن الله


تقبل تقديري وودي

[محمد بن موسى]

الشاعر القدير / بندر السديري

وافي يابندر وبيض الله وجهك على هالنص الشامخ

ومجمّل يالغالي ومصافحه اولى رائعه بروعة شاعرها وتألقه

وشهادتي بشاعريتك مجروحه يابو تركي فأنت شاعر جزل بكل ماتعني الكلمه من معنى

ورفيق درب يطربني حرفه

ووجودك وانضمامك لهذا الصرح الشامخ مكسب للشعر والشعراء


تقبل فائق الود والتقدير

[هندي المقبل]

الشاعر القدير : بندر السديري

ياهلا ومرحبا بك في شبكة ويلان العربيه ,, والله انه لفخر لنا ان نرى اسمك ضمن قائمة شعرائنا فكما قال اخوي خلف الغريب مثلكم نفتخر به ونتشرف بتواجده معنا

وبيض الله وجهك على هذه القصيده التي حملت كل معاني الجمال

صح لسانك يابندر وسلم فكرك وبوحك على هذا النص الراقي وياهلا بك

[البدر]

بندر السديري

شكرا على هذا الاهداء وشكرا للتواجد في شبكة ويلان العربيه

انه لفخر لنا وجود اسمك بيننا

صح لسانك على هذه الابيات الجميله وتقبل اعجابي بما تكتب وننتظر المزيد منك ان شاء الله