"وش غيرك"

[بنت الكحيلا]

كنت احسبك لا طول البعد تشتاق=اشتاق لك واحسبك مثل اشتياقي
لكن خسارة ما بقلبك لي اشواق = رسم في خط النهاية ...فراقي
مسكين قلبي تو من عالمك فاق = شاف الحقيقه واضحه ثم فاقي
اهل دمعات القهر ليل واشراق = وشلون يرضى صاحبي با احتراقي
حاولت ابا انسى لكن القلب ما طاق = وفراق مثلك لا حشى ما.. يطاقي
من صدك القاسي ترا الكون بي ضاق = وبالي على وسعه من الصد ضاقي
وش غيرك من بعد ما كنت مشتاق = اهل الحسد ولا لك الجو... راقي
لولا الوفاء والحب ما صار عشاق = ولو لا الجفا ما مات حلم التلاقي
اغار وليا غرت ما عندي اخلاق = ولا كن باقي لك من الود ..باقي
واليا هديت من الزعل ارجع اشتاق = واجمل تعابير الغلا لك... تساقي

[عبدالمحسن الجلوي]

لولا الوفاء والحـب مـا صـار عشـاق
=ولو لا الجفا مـا مـات حلـم التلاقـي


صح لسانك ابيات في غاية الجمال ...

بنت الكحيلا كفوا والله فيك وصح لسانك واعتلا شانك ....

[بنت الكحيلا]

المشاركة الأصلية كتبت بواسطة عبدالمحسن الجلوي

لولا الوفاء والحـب مـا صـار عشـاق
=ولو لا الجفا مـا مـات حلـم التلاقـي


صح لسانك ابيات في غاية الجمال ...

بنت الكحيلا كفوا والله فيك وصح لسانك واعتلا شانك ....

صح بدنك اخوي محسن الجلوي

وماعليك زوود الله يعطيك العافية

لك كل التقدير

[احساس قلم]

اااااااااالله عليك يابنت الكحيلا
صح لسانك عدد بلا مدد
قصيدة راقية برقي صاحبتها

[بنت الكحيلا]

المشاركة الأصلية كتبت بواسطة احساس قلم

اااااااااالله عليك يابنت الكحيلا
صح لسانك عدد بلا مدد
قصيدة راقية برقي صاحبتها

صح بدنك يا الغلا

والرقي يكتمل بمرورك العطر

لك حبي وودي

[سعد بن هندي]

بنت الكحيلا
صح السانكِ ابيات جميله
وتقبلي مروري

[نشمي العواجي]

حاولت ابا انسى لكن القلـب مـا طـاق
=وفراق مثلك لا حشـى مـا.. يطاقـي

بنت الكحيلا
قصيده في قمة الجمال
بها اصدق المعاني والاحساس

صح لسانك
وبانتظار الجديد