×× شبه الجزيره ×× - °~*¤®§(§ شبـــكة ويــلان العـربـيـه §)§®¤*~ˆ°

**سعد النفج** · 06/12/10, (10:37 PM)

سلام لك يا دار شبه الجزيره = يا دار صعبين المراس السلاطين
يا شامخه يا ليّنه يا عسيره = ياللي على قوافل الحق تمسين
يا حاضنه أطهر خطاوي و سيره = يا حافظه أعز و اطهر مكانين
يا ساحة العز التليد و غديره = يا شجْرْة ٍ في ظلها مستظلين
في ظلك الخيرات تبقى و فيره = حتى الرعايه ضافيه بالميادين
شملتي بفضلك جموع ٍ غفيره = و مسحتي دموع اليتامى المساكين
و اطعمتي يدين الغلابا الفقيره = و قدرتي اوضاع النساء و المسنين
يا دار يا دار السعود الشهيره = يا حافظه كل القيم و القوانين
يا مصلحه بين القصير و قصيره = يا شايله هم العرب و المسلمين
و الفضل بعد الله لصقر الجزيره = عبدالعزيز موحد الأرض و الدين
و عياله اللي كمّلوا للمسيره = و على دروب الحق و العدل ماشين
و اليوم ابو متعب عسى الله يجيره = صقر العروبه.. سمح.. سقم المعادين
حكيم و محنك .. وسيع البصيره = مكانته بقلوب الأقصى و الادنين
سحاب يمطر في سماء كل ديره = كريم من نسل الرجال الكريمين
و حنا و فاء لأهل الوجيه السفيره = ارواحنا تنساق و نْموت وافين
ناطى الخطر و اكتافنا للعسيره = لعل نوفي لو قليل ٍ من الدين
يا دارنا تبقى حقوقك كثيره = حنا رجالك حزة العسر و اللين
تطمني حنا العيون السهيره = وقت الخطر نثور ثورة براكين
و اللي بقى بيت و حضرت استثيره = و جيت اكتبه و اهتم به و احفظه زين
القلب في صدري و شبه الجزيره = ماكنهم في داخلي غير قلبين

**سعود المسعودي** · 06/12/10, (10:44 PM)

الشاعر القدير \ سعد النفج

الله ياسلام عليك والله رائعة

بيض الله وجهك مبدع كعادتك

صح لسانك ماقصرت

والوطن يستحق اكثر

تقبل تحياتي وتقديري

دمت بخير

**محمد بن فرحان** · 07/12/10, (12:01 AM)

و اليوم ابو متعب عسـى الله يجيـره
صقر العروبه.. سمح.. سقم المعادين
حكيم و محنك .. وسيـع البصيـره
مكانته بقلـول الأقصـى و الادنيـن
سحاب يمطر في سمـاء كـل ديـره
كريم من نسـل الرجـال الكريميـن

الغالي والشاعر سعد النفج

صح لسانك

و بيييض الله وجهك على هذا الابداع

شاعر وافي نفتخر بوجودك بيننا ,,,,,,,,,,,

قصيده رائعه وابداع غير مستغرب , وتستاهل مملكتنا الحبيبة هذا الابداع.

وابو متعب يستاهل الله يرجعه بالسلامة ,,,,,

تقبل مروري ع هذه الرائعة ,,,,,,,,,,

حفظك الله ,,,

**بنت الكحيلا** · 08/12/10, (12:04 AM)

صح لسانك اخوي سعد النفج

قصيدة رائعه الله يعطيك العافية

**نايف هويدي العواجي** · 08/12/10, (12:16 AM)

الشاعر الغـالي على قلوبنا :سعد النفج
صـح لسـانك على هذه القصيده الشامخـه
قصيده من اروع ما قرات كتبت بماء الذهب
ولاهو غريب الابداع على شاعرنا سعد النفج

تحياتي وتقديري لك

**مشهور الرشدان** · 08/12/10, (11:17 AM)

القلب في صدري و شبـه الجزيـره
ماكنهـم فـي داخلـي غيـر قلبيـن

صوره جميله جدا صح لسانك اخوي سعد على هذه القصيده الرائعه
جزله من راس جزل كل الشكر لك اخوي الكريم

**سعد بن هندي** · 08/12/10, (03:24 PM)

الشاعر الكبير / سعد النفج
بيض الله وجهك
بيض الله وجهك
بيض الله وجهك
وصح السانك مدد بلا عدد

قصيده عانقة الأبداع بجماله وجزالته وماحواه من مضمون ترجمته برسالة شاعر ذكي يعرف ايصال معناه بقالب شعري فاخر

اهنيك على هذا الابداع الممييز,,, والى الامام شاعرنا الجزل وفق الله

وها هنا اسجل اعجابي
واسمحلي اخي الغالي وشاعرنا الكبير يوجد غلط طباعي
ارجو من مشرفينا الكرام تعديله
(بقلول) [بقلوب]
حكيم و محنك .. وسيـع البصيـره
مكانته بقلـول الأقصـى و الادنيـن
حكيم ومحنك .. وسيع البصيره
مكانته بقلوب الأقصى والادنين

تقبل مروري وفائق تقديري
اخوك/سعد بن هندي