حــيــطان الأغــــــــراب ...... !! - °~*¤®§(§ شبـــكة ويــلان العـربـيـه §)§®¤*~ˆ°

**ابراهيم خليف** · 03/12/10, (10:41 PM)

::

غيَــاب .. عن موقف هل الظن غيَـاب = يا شين زلات العقـــول الغشيـــمه
يوم الدليل غراب .. ويخاشر غراب = مقفين عن درب النوايـــــا الســليمه
والمرجله .. ماهيب تركيب الاشناب = لا صار ربي ما زرع فيك شيمه
صديت وجهي عن محاكاة الاذناب = عينٍ تحت كفي ... وعينٍ كريـــمه
قل للزمان : وكل نظرات الاحزاب = البعد عن درب الحواســـد غنيمه
الله خلقني جار حيطان الاغراب = الجـيره اللي علــهــا مستديمه
اللي لهم قدر ومعــَزة ومرقاب = يشرف على عز الفخر من قديمه
جعل المزون تمر " طيبة " والاحباب = وتسقي ضما " خيبر " مطر لــ " الدويمه "
بعض البشر لو هم بعيدين الانساب = إي والله .. أحسن من وجيهٍ رخــيمه
وقل للظروف : إن طاب قلبي ولا طاب = والله لعيش بوجه قلبــي غريمه
يمكن تعالجه القصايد والاسباب = حتى لو اسباب القصايد لأيـــمه
اللي عطا ثلثين نبضه للأقراب = جازوووه في قطع الاوصال الرحيمه
لحظة يموت الطيب تتقفل .. ابواب = والعز ماله في سما الكون قيمه
ولحظة يكون الصدق فاجر وكذاب = أصعب من طعون القفـــا والنميمه
قل للزمان : وكل دبكات الاحزاب = يا شـــين .. زلات العقول الغشيمه

صادق تحياتي

**سالم صالح** · 04/12/10, (12:57 AM)

ابراهيم خليف

صح السانك قصيدة راقية وشامخة ولاتاتي الا من شاعر جزل وقوي

فالله درك على هذة القصيدة المميزة والتي تدل على شاعرية كبيرة ورائعة

وقل للظـروف : إن طـاب قلبـي ولا طـاب
والله لــعــيــش بـــوجـــه قــلــبـــي غــريــمـــه
يـمــكــن تـعـالـجــه الـقـصـايــد والاســـبـــاب
حــتـــى لـــــو اســبـــاب الـقـصـايــد لأيــمـــه
الــلـــي عــطـــا ثـلـثـيــن نـبــضــه لــلأقـــراب
جــازوووه فــي قـطــع الاوصـــال الرحـيـمـه
لحـظـة يـمـوت الطـيـب تتـقـفـل .. ابـــواب
والـعــز مـالــه فــــي ســمــا الــكــون قـيـمــه
ولـحـظـة يـكــون الـصــدق فـاجــر وكـــذاب
أصــعــب مــــن طــعــون الـقـفــا والنـمـيـمـه

تقبل تقديري وودي واعجابي

**محمد بن موسى** · 04/12/10, (02:26 PM)

ابراهيم خليف

صح السانك مدد بلا عدد

حضور وجزاله شعريه تدل على شاعر متمكن

لله درك على هذة المصافحه المميزة والممتلئه شعراً وجزاله

رغم نبرة الحزن التي تسكن بين سطورها

تقبل مروري واعجابي

دمت بود

**سالم العنزي** · 06/12/10, (02:24 PM)

قصيده لايكتبها الا شاعر كبير

ابراهيم خليف صح لسانك وتقبل اعجابي

**سليمان مفضي العنزي** · 06/12/10, (02:41 PM)

ابراهيم خليف صح لسانك

ابيات جميله وممتعه

تقبل مروري

**البدر** · 09/12/10, (05:53 PM)

الشاعر ابراهيم خليف ..

لقد كتبت واجدت بهذه القصيده المكتمله شعريا وحتما لن يكتبها الا شاعر ناضج شعريا وتميز في كتاباته .

ابراهيم خليف هذا النص يجعلني شديد الفضول لمطالعة المزيد من نصوصك الشعريه واتمنى منك ان لاتحرمنا من الجديد , وسجلني احد المتابعين لك

**بدرفهد الجعفري** · 09/12/10, (07:47 PM)

قصيده من النوع الفريد

ابراهيم خليف صح لسانك مدد بلا عدد

ابدعت وامتعت