السلام عليكم
متواضعه .. واقل مايقال في لابتي البدور الاشاجعه راعين اكحلا خاصه
وعنزه بشكل عام
تقبلوها كما هي
:
:
رجال ذي قار
لاتسألون البدري عن سبّة غرامه للطوال=كانك تبي علم الاكيد انشد عن اللي استدرجه
الموت يدري في سموّه له شموخٍ كالجبال=رح انشد التاريخ عن راعي اكحلا وستخرجه
ياكيف حال الاشقر اللي يدعى ناصر يارجال=لاشك شاف الهول من يمنى الرجال المحرجه
للحين باقي دم ابن سعدون من فوق الرمال=لو يندثر مايندثر .. خيل القروم اتعجّجه
لامن تعزوت فينا حره ننتخي في كلّ حال=ارواحنا لجل الحراير للمنايا امعرّجه
نبطش لهن بسيوفنا ومن دونهن سترٍ وشال= نركب خيولٍ دون رسن و لا سروج امسرّجه
اللي تـيـتـّمْ لايلوم البدري في وقت الهوال=ماقاصدين اليـٌتـمْ لكن فعل ابيـّه ناتجه
حنا الشهامه والكرامه والبطوله والنضال=للحقّ مانخشى جيوشٍ لو تجينا امفوّجه
لو كنت ماتدري ابضرب لك كلامي في مثال= لو كان كسرى عايشٍ قلي من اللي يخرجه؟!!
اولاد وايل بالهوايل فعلنا عدى الخيال=عدونا نهدي لهم موتٍ بيدنا ننسجه
ذي قارنا يشهد لنا والمجد باقي لا يزال=حنا سيوفٍ وقعنا فوق الرقاب المزعجه.
حنا ملوكٍ للجزيره من جنوبٍ لي شمال=حتى الثريا ترتعد من صيتنا متهيّجه
وللضيف مدهال وذبحــْنـا كلّ حايلْ والجمال=والنار من تحت الدلال الصفر دوم اموهّجه
خوينا ماضام من جور الزمن لو فيه مال= انعاهده عهد الوفا وهرج الردى مانهرجه
وكل عوجٍ يعتدل في ذكرنا والشان عال=قصيرنا مانزعجه بالعز حنا انتوّجه
عفواً من اللي قال سهم البوصله صوبه عدال=(البدري) لامن يتـّجه ..سهم البواصل يتـّجه
ولاقصورٍ بالقبايل كلّ منـْهم له خصال=ثار الهجوس اللي مسبـّبْ في ضلوعي حشرجه
لـ مشاري بن فالح البدري العنزي ( هاجس الحرمان)
1 / 12 / 2010
:
:
02/12/10, (10:01 AM)
ماقاصدين اليــتــم لكن ! .. فعل ابيــّه ناتجه
رد: ماقاصدين اليــتــم لكن ! .. فعل ابيــّه ناتجه
العرض العادي
