من وداعك - °~*¤®§(§ شبـــكة ويــلان العـربـيـه §)§®¤*~ˆ°

**نشمي الماضي** · 29/11/10, (03:35 PM)

لا تنتظر مني الموادع والسـلام =وش تبي اكثر من عيـونٍ بكـن
الموادع يقتـل حـروف الكـلام=والشعور يفـوق تعبيـر الجفـن
داخلي لك شي يبقـى كـل عـام=راح يبقـى ليـن أدرج بالكفـن
الاماني تموت بكفـوف المـلام=وكل حلم ٍ فـي غيابـك يندفـن
والشموع اللي ضوت ليل الغرام=كلبوهـن فـي غيابـك انطفـن
من وداعك طارات اسراب الحمام=ومن وداعك طاحت اوراق الغصن
من وداعك تهت ودروبي ظـلام=من وداعك اظلمـت كـل المـدن
من وداعك ودع القلـب الهيـام=ومن وداعك صارات ايامي حـزن
اسئل الشاطي سهرتـه بالعتـام=واسئل البحار وشـراع السفـن
كنت اغني وعلى الدنيا السـلام=او على ابـوس راسـك يازمـن
اسئلونـي ليـه تسهـر ماتنـام=قلت ليت عيون محبوبـي غفـن
ايه بسهر بـس محبوبـي ينـام=هو ينام اصيـر فـدوه للشجـن
وافيـه لكـن حضـي ماستقـام=العتب لظروفـك اللـي ماوفـن

**بروق الشمال** · 29/11/10, (03:43 PM)

داخـلــي لـــك شـــي يـبـقـى كـــل عــــام
راح يـــبـــقــــى لـــــيـــــن أدرج بــالــكـــفـــن
الامــانـــي تــمـــوت بـكــفــوف الــمـــلام
وكــــل حــلــم ٍ فــــي غـيـابــك يـنـدفــن

يكفي هالبيت هذا
جد قصيده تستحق الاشاده اخي نشمي
تقبل مروري

**محمد بن موسى** · 29/11/10, (03:44 PM)

الشاعر الراقي / نشمي الماضي

الله الله عليك

يسلم منطوقك يالغالي

ابيات رائعه بكل ماتعني الكلمه من معنى

رغم الحزن العميق الذي يسكن سطورها

صح السانك واعتلا شانك

تقبل مروري وفائق احترامي

**مشاعر شآمخه** · 29/11/10, (03:52 PM)

صح السانك مددبلاعدد
ابيات تستحق التميز
دمت نجم ساطع
في سمائنا

**نشمي الماضي** · 29/11/10, (03:55 PM)

الله يعطيكم العافيه على هالمرورر الذي اسعدني كثـيراُ

وكالعاده ياليت أحد المشرفيين يقوم بتنسيق القصيده لاني حاولت انسقها بكشل صحيح بس للأسف بها المنتدى بذات مايضبط التنسيق معاي ؟؟؟؟؟؟؟

**محمد بن موسى** · 29/11/10, (04:00 PM)

شاعرنا المتألق / نشمي الماضي

صح السانك للمره الثانيه

وتم التنسيق يالغالي

**محمد بن فرحان** · 29/11/10, (10:08 PM)

نشمي الماضي

صح الله لسانك ’’’’ وبيض الله وجهك
ابيات رائعه وجزله يالجزل
لله درك ،،،،،،
اتمنى استمرارك بهذا المستوى الراقي
تقبل مروري مع تسجيييييييييل اعجابي يابو ماضي ,,,,