لايشغلك دمعٍ على الخد يجري.......

[احمد العريفي]

لايـشغـلك دمعٍ عـلى الخـد يجــري=ولايزعـجـك نوحي وكثر الـتـنهات
انـوح مـن نـــارٍ تـلـظى بـصــدري=من حـرها شانت بعـيني الـمـلـذات
كـتـمـتـهـا مـاودي الـنـاس تـــدري=كـتـمتها عـن اقـرب الناس بالـذات
تركـتـها وسط الـمـعـالـيـق تـفــري=تـفـتـت مـنها الـظـلـوع الـمـحـنـات
مثـل الـحـمـم حـره مع الـدم يسري=يـفـوح دمـي بالـعـروق الـمـثـنــات
تـشـتـت مـنها مـجـامـيـع فـكـــــري=دنياي صارت في عـيوني متاهـات
وافـنيت في درب المتاهات عـمري=ابـنـي الامـاني والامـاني مـغــــرات
ضيعت وقتي واحسب الوقت بدري=اخطيت بحساب الزمن والمسافـات
كان الامل يدعـم مع الوقـت صبري=مات الامل قـبـل يتحـقـق بســاعـات
وباح الصبر واليوم الا ليـت شعـري=تـعـود ايـام الـزمـن للـبـدايــــــــــات
مالي عـذر غـير الذي قـلت عــذري=مكـتوب والمكـتوب مامنه منجـــات
والـيـوم انا فـوضـت لله امـــــــــري=فـوضت انا رب الـفـلك والـمـجـرات
عـسى يعـظـم والي الـعـرش اجـري=ويحـسن لنا بالخـاتـمه والـنهـايـات

احمد بن عبدالرحمن العريفي
(نديم المجره)

[فيصل الرسلاني]

انــوح مــن نــارٍ تـلـظـى بـصــدري مـن حرهـا شانـت بعينـي المـلـذات
.............
..........
وافنيت في درب المتاهـات عمـري ابـنـي الامـانـي والامـانـي مـغـرات
ضيعت وقتي واحسب الوقت بدري اخطيت بحساب الزمن والمسافات


أحمد ...هذي الأبيات من أجمل ما قرأت ..بليغة تدل على بلاغة قائلها ...جزل وكلمة جزل قليله والله بحقك.....بارك الله لك في ما من به عليك وزادك

[حمد الضوّي]

أحمد العريفي

صح لسانك وبيض الله وجهك أبيات رائعه بروعة شاعرها أبدعت وأمتعت يا أحمد لله درك

[عبدالمحسن الجلوي]

نديم المجرة صح لسانك ابيات في قمة الروعة من شاعر كبير ..


صح لسانك يالعريفي ودام ابداعك ... تحياتي ...

[محمد بن موسى]

نديم المجره


صح السانك واعتلا شانك

قصيدة جزله من جزالة شاعرها

لله درك على هذا النص المترف شعرياً وعذوبه

تقبل فائق احترامي واعجابي

[هندي المقبل]

الشاعر احمد العريفي

صح لسانك على هذه القصيده الجزله .

ابدعت كالعاده وامتعتنا ..

تقبل اعجابي

[سالم صالح]

الشاعر القدير


احمد العريفي


لله درك على هذا الجمال والشاعرية الفذة وعزالله انك تعديت المجرات برقي شعرك واخلاقك

دائما والشعر الحقيقي والجميل ملازم لك

تقبل تقديري واحترامي لك