من خلقتي و انا ثقيل و لي عقل=و لا همني بعض العرب و ضعوفها

[سعد النفج]

ماني هجومي بس ابيك تشوفها = ابياتي اللي ما جهلت ظروفها
من خلقتي و انا ثقيل و لي عقل=و لا همني بعض العرب و ضعوفها
و الا انت يا من تمدح بنفسك كذا= و تارد على الدحديره من جروفها
ما بيني و بينك معالم أو شبه=حتى القصايد فارقه بحروفها
هذا و انا بناخيك ما قدرتني = و التهمه اللي منك .. كيف اطوفها؟
حاولت اعديها و اسلي خاطري = و انسى القصايد و ادمح لملقوفها
بس السكوت احيان ما هو من ذهب = احيان يقصف روسنا من كتوفها
و انت الله اكبر يا وريث اهل الشعر = بعض العصايد .. مدري كيف تحوفها
و آخر عصيده مالها وجه و قفا = و ابختصر لك ما قريت بجوفها
سبيتني و انا رفيع و لي قدر = و املك مكانه ما قدرت تنوفها
تلقاني بدرب الوفا و المعرفه = بين الرجال الوافيه بوصوفها
و الا انت صاحب نيتين و لك غرض = حسافه اللي صفقت بكفوفها
تحسبك صالح تصلح اهل المجتمع = وانت اتحرا هزه من ردوفها
لكن نصيحه و انت تفهم مقصدي = لا تخاشر اهل الفقر في مصروفها
و اليا كتبت الشعر لا زم تنتبه = قبل الرجال تحاربك بسيوفها
و آخر كلامي لا تقرب من هنا = الناس مثلك ما نبي معروفها

[هيـاا العـازمـي]

.
.
.

يالله سترك

أبيات على شكل صواريخ أرض جو ومن العيار الثقيل

وواضحة إنها نتيجة حتمية لـِ موقف معين ما مررت به شاعرنا

ثارت القريحة لدى سعد النفج لينفجر بالتالي بركان العقل والثقل

لله درك على هكذا أبيات ملغمة بالقوة والجزالة والتميز

ويصح لسانك وبووحك وفكرك

ادام عليك المولى مثل هذه الفاخرة والزاخرة بالسبك والحبك

وافيه من راس وافي

تقديري

هيــــــاااااا

[ماجد الغانم]

الغااالي

والشاعر القدير

سعد النفج

للأمانه أنت شاعر كبير وهذا النص نص الواثق والمبدع

لله درك ولافض فوك

وتأكد أن لكل نجاح ضريبة وأتمنى أن لا تلتفت لمن هم دون مستواك

وواصل مسيرتك نحوا القمة

ودع المستشعرين جانباً


دمت بكل خير ودام هذا التميز والفكر الراقي

[سالم صالح]

الاخ العزيز والشاعر الراقي


سعد النفج


صح السانك وكلك فكر وعقل مميز وراااااااجح وعز الله انك تفرق كثير وفارق بالطيب والشعر الجزل


والله يعينه كانه يبي يحتك يابو شايش يبي يلقى له جبل مايهتز


والحقيقة من غير مجاملة انت شاعر رااائع وغني عن مدحي واشادتي فجمال حضورك تزدان فيه جنبات المنتدى وفي كل زوايا الشعر الجميل


وياخوك ياكثر اللي يصفقون لمن هب ودب لانهم لايميزون الحسن من السيء


صح الساانك مليار ولا تكفي وانا اخوك

تقديري وودي واحترامي لك

[محمد بن فرحان]

الشاعر/ سعد النفج

صح الله لسانك شاعر ما تجيب غير الجزل سجل اعجابي وتقديري

ومثل ماقال الشاعر الراقي ماجد الجعفري " تأكد أن لكل نجاح ضريبة وأتمنى أن لا تلتفت لمن هم دون مستواك

وواصل مسيرتك نحوا القمة

ودع المستشعرين جانباً "

تمنياتي لك بالتوفيق

[سلامة الجعفري]

سعد النفج اسم يجبرك على ان تقف امام مايبدع


صح لسانك ياسعد


مبدع في الرضا وفي الغضب


تقبل مروري المتواضع


وتدوم بألف خير

[أبو غرام]

ابن النفج / سعد بن شايش

أنت رمز للإبداع والتميز .. وإن كان هنالك من عتب

فالعتب على أن يثيرك من هم على هذه الشاكله

فالجبل استاذي لا تهزه ريح .. ولا تذويه شُرر نار

ونصك لم يخرج من العبث .. فلله درّك عليه وسلم فكرك وبنانك

وصح لسانك مليون .. لا .. بل حتى ترضى

واعلم - وانت تعلم - بأن القذف من الخلف لم يأتي إلا لأنك بالمقدمه

فلا عدمنا مثل هذا الحضور وهذه الجزاله

تقبل مرور اخيك من هنا واعجابه الغير مستغرب من شاعر بمثل ابن نفج

ودي & تقديري