القهوة

[عبدالمحسن الجلوي]

الكيف ماهو صبت ن وسط فنجان = يصبها من لايميز طعمها
ولاهي كذا خلطة على غير ميزان = لو كان كل الناس تشري قطمها
لاصار مانت لحمسة الكيف شفقان = فوق الهشايم لاتكسر جرمها
وبهارها معدود بحساب فهمان = كنه يشرك قنبلة في لغمها
وان فضها اشقر من محاصيل كرمان = الفاخر اللي يزرعونه عجمها
اليا لثمها دايخ الراس عمسان = طش الشماغ وقال انا لاعدمها
تثور في راس ن على الكيف ضرمان =تجلى الهموم اللي بكبده كتمها
هذا الذي يفرقك يالذيب سلطان = انشهد انك للمراجل علمها
لك مجلس نايف على كل ديوان = فيه الرجال اللي تهادى شيمها
أبوك مارددك مابين عمان = خولك من ناسا كثيرا كرمها
بعض المجالس يابيض الوجه نقصان = تجمع لها ناسا ردية هممها
سوالف ن تبعث على القلب الاحزان = مثل الحراج اللي تثاغا غنمها
ينشدون فلان وش باع لفلان = واللي يقول الثانية بع سهمها
مجلس شريطية تبايع بالاثمان = وهذا كفل هذا وهذا غرمها
بيعة وشرية عدنا وسط دكان = حواشت الدنيا تعمر هرمها
ودنياك مادامت لطه وبرزان = أهل العراق اللي تحامت ذممها
كانوا لاهل بغداد سورا وعنوان = عن الملالي لا تدنس حرمها
وماتوا بعز ولا عطوا ذل واذعان = اهل البطولة كلنا نحترمها

[عبدالمحسن الجلوي]

تعال يافيصل شف ظبطت الشغل شف قصيدتي بعد تعديل الشاص هههههههههههههههههههههه ... كل عام وانت بخير يافيصل ... شكرا ... صح بدنك والله ..

[احساس شاعر]

كماا وعدتك لي عودة

صح لسانك وبيض الله وجهك

قصيدة تحكي الواقع

وتقبل مروري

[ماجد الغانم]

الكيف ماهو صبت ن وسـط فنجـان
يصبهـا مــن لايمـيـز طعمـهـا
ولاهي كذا خلطة على غير ميـزان
لو كان كل النـاس تشـري قطمهـا
لاصار مانت لحمسة الكيف شفقـان
فـوق الهشايـم لاتكسـر جرمـهـا
وبهارهـا معـدود بحسـاب فهمـان
كنـه يشـرك قنبلـة فـي لغمـهـا
الغالي عبد المحسن الجلوي

صح لسااانك ولاهنت

حضور مميز

دمت بكل خير

تقبل خالص تقديري واحترامي

[احمد الضوي]

الشاعر عبدالمحسن الجلوي
صح لساانك ابداع

[سالم صالح]

الرائع / عبدالمحسن الجلوي


قصيدة رااااااائعة وكايفه عز الله موزون بهارها وعلى المزاااااااااااااااااااج


تقديري وودي

[سعد النفج]

عبدالمحسن الجلوي
قرأتها سابقاً على عجاله و أخذت عهداً على نفسي أن أرجع مره أخرى و أضع رد يليق بهذه الفاخره
و لكن نهما كتبت لن أصل إلى ما يليق بها
نص جميل و راقي
مقدمه جميله بدأت بها و استمريت بالإبداع إلى انتقالك لأبيات المدح
مبدع بحق
دام تواجدك و حضورك الراقي يا راقي ..