من مبداء من لايشكر الناس لايشكر الله

[حمد الضوّي]

بسم الله الرحمن الرحيم

هذه القصيده قلتها بالحفل الذي أقامه أخي/ سلامه بن سالم الضوّي الجعفري العنزي , إحتفاءا ً بالأخ/ مرضي بن فرحان السهلي الجعفري العنزي ( أبو ناجح )وذلك لما قام به من معروف يشكر عليه . عندما تعرض إبنه/ ثامر أبو إحدى عشرة سنه لحادث دهس من قبل عبدالله بن سلامه الضوّي . إلا ّ إنه قام عبدالله بإسعافه فورا ً حيث ذهب به إلى مستشفى مدينة الشملي وتم تحويله إلى مدينة حائل , وكانت إصابته خطيره وأمضى مايقارب العشرون يوما ً في غيبوبه إلا ّ ان الله كتب له الحياه فأفاق وشفي وخرج من المستشفى وهو الآن في صحة جيده ولله الحمد والمنّه ... والحمد لله على سلامته...

أما الأخ مرضي بن فرحان عندما علم بماحدث لإبنه قال (هذه قدرة الله ولاعندي إعتراض على ماقدره رب ّ العالمين )
وهذا دليل على قوة إيمانه بالله سبحانه وتعالى. ولما عرف أنه تم إسعافه من قبل عبدالله . قال أين عبدالله الآن قيل له إنه بالتوقيف بقسم الشرطه فذهب بنفسه إلى القسم وسجل تنازله عن عبدالله قبل أن يشاهد إبنه أو يعرف هل هو حي ّ أم ميت . قائلا ً يكفي إنه أسعفه ويكفي إنه من آل فلان ومع ذلك أصر على أن يخرجوه من التوقيف وبأسرع وقت . وتم له ذلك فلم يستغرق توقيف عبدالله أكثر من ساعتين . فجزاه الله خير الجزاء ,, وهذا صنيع ٍ لاينسى ولايستغرب على الرجال الأوفيا أمثال أبو ناجح أمد الله بعمره,,

وإليكم القصيده علما ً أنني كتبتها على عجاله فأرجو المعذره لو حصل شئ من التقصير..................

مساكم الله بالرضى والخير والشعر الثمين=بعد السلام ورحمة الله من حضر يسعد مساه
يامرحبا ترحيبة ٍ تشمل جميع الحاضرين=أهلا ًتراحيب المطر لامن تقاطر من سماه
حيّ الرجال أهل الوفاء حيّ الكرام الطيبين=من كان بالصدفه حضر وإلا ّ ابوضيف الله دعاه
للكل أقول الله يحييكم على سمن وسمين=إكباركم وصغاركم من جا يشرفنا لقاه
وأختص بالترحيب ابو ناجح عشير الغانمين=يامرحبا بالليث ترحيب ٍ يليق بمستواه
مرضي زعيم الطيب بافعاله جميعا ًمعجبين=حاش المراجل كلها والطيب كالثوب إرتداه
صحيح من قال الرجال بحزة الماقف تبين=الحزه اللي يعرف الرجّال طيبه من رداه
أما انت يامرضي كسبت الطيب ياذرب اليمين=أنا أشهد إنك تحتسب ضمن الصناديد الدهاه
وصفك كما هداج شيخ ٍ للجويّه من سنين=عدّ الروى لاورده الضميان يقطع له ضماه
عن سجن عبدالله عفيت بلاكفيل ولاضمين=لوكان غيرك ماصبر يمكن على الوضع وقواه
من تلك نفسك جيت والرجال بالمخفر رهين=وقلت أضهروه من السجن هالحين لايمكن بقاه
فكّوه لو كان ولدي محسوب ضمن الميتين=عندك إيمان بقدرت الخالق ومومن في قضاه
قلت أطلقوه الآن مانمشي وهو باقي سجين=مادام من هاك العرب مالي مطاليب ٍ وراه
يكفيني إنه قام بإسعافه وشاله باليدين=ويكفيني إنه يوم نوِم جاء يزوره مانساه
طلّعت عبدالله ولاكمّل بسجنه ساعتين=من طيب راس وطيب قلب ٍ يشبه الشاشه صفاه
يوم الأخوّه بين الاخوه حبلها باقي متين=عسى الرفق ماينقطع بين الرفاقه ياعساه
وأبادعو الله وأسأله يامن سمعني قول آمين=والله كريم ولايخيب اللي من أعماقه دعاه
يارب تقبل دعوة اللي وجهوا لك مخلصين=تقربوا لك بعد نصف الليل قاموا للصلاه
إنك توفق مرضي الفرحان في دنيا ودين=وإنك تهيي له دروب الخير في كل إتجاه
ياجعل راسه مايغيب وجعل فاله مايشين=وياجعل ماسوّاه من معروف يلقابه جزاه
ياذا الجلال إيلاهنا نحمدك حمد الشاكرين=أنت اللطيف اللي كتبت لشبلنا ثامر نجاه
ثامر عسى تبقى لبوك من العيال الصالحين=تبقى عزيز بعزته وتعيش سالم في ذراه
الله يبارك فيك واخوانك عساهم سالمين=في خدمة الوالد يطيعونه ويمشون بهواه
من له عيال ٍ مثلهم مايشتكي ضيم السنين=يبقى عزيز بعزهم والوقت سيفه ماوطاه
والشكر لله والثناء كله لرب العالمين=اللي خلقنا نعبده واحد ولانعبد سواه
ربّا ًعليه المتكل والإعتماد بكل حين=ومن يجعل التكلاء على ربه بمايفعل كفاه
والمعذره عن القصور إن كان صرنا مقصرين=ماكل رجل ٍ مجتهد ينال ماكان بهواه
وصلّوا على الهادي محمد خاتما ً للمرسلين=نبينا اللي مايزل الدرب من يتبع هداه

"" وسلامة الجميع ""

[محمد بن موسى]

درع عنزة

الشاعر القدير / حمد الضوي

صح السانك مدد بلا عدد

جزل ياحمد وماتجيب الا الجزله

قصيدة قرأتها اكثر من مره وكل شطر يشدني لما بهده

والطيب بين الغانمين مايضيع

وبيض الله وجهك ووجه ابو ناجح

فأبو ناجح عفاء واصلح وانت جملت الموقف بقصيدتك

فمهما قلت امام هذة الشامخه اجدني مقصر بحقك

فلله درك

[صبيح العوض]

اخوي حمد الضوي

صح السانك ملايين قصيده شامخه من راس شامخ والي يفعل الطيب يستاهل الثنى والطيب ماهو غريب على ابو ناجح
تقبل مروري مع جزيل الاحترام

[حمد الضوّي]

المشاركة الأصلية كتبت بواسطة محمد بن موسى

درع عنزة

الشاعر القدير / حمد الضوي

صح السانك مدد بلا عدد

جزل ياحمد وماتجيب الا الجزله

قصيدة قرأتها اكثر من مره وكل شطر يشدني لما بهده

والطيب بين الغانمين مايضيع

وبيض الله وجهك ووجه ابو ناجح

فأبو ناجح عفاء واصلح وانت جملت الموقف بقصيدتك

فمهما قلت امام هذة الشامخه اجدني مقصر بحقك

فلله درك

مشرفنا الغالي/ محمد بن موسى


صح بدنك ولاعليك زود وشكرا ً على هذا الإطراء الذي غمرتني به . الله لايهينك , ولاسوينا إلا جزء بسيط من رد الجميل تجاه هذا الرجل الذي أسأل الله أن يكثر من أمثاله, كذلك شكرا ً على هذا اللقب ( درع عنزه )الذي منحتوني إياه وهذا شرف كبير لي . وأنا اعرف بل وأجزم أن هناك من هو أحق مني بهذا اللقب......تقبل فائق تحياتي......... ومرورك أسعدني كثيرا ً


-

[حمد الضوّي]

المشاركة الأصلية كتبت بواسطة صبيح العوض

اخوي حمد الضوي

صح السانك ملايين قصيده شامخه من راس شامخ والي يفعل الطيب يستاهل الثنى والطيب ماهو غريب على ابو ناجح
تقبل مروري مع جزيل الاحترام

الأخ العزيز / صبيح العوض



صح بدنك مليارات ولاعليك زود ومثل ماتفضلت ابو ناجح يستاهل أكثر من ذلك ,,,,,,,مرورك أسعدني فشكرا ً لك من الأعماق.........تقبل تحياتي


-

[محمد بن فرحان]

اخي الشاعر حمد الضوي
قصيده في قمة الروعه قصيده جزله من شاعر جزل صح لسانك وسلم بوحك و أعتلا شانك لاهنت على هذه الرائعه والجميله

والحقيقة ابو ناجح مايوفى بحقه لو يكتب فيه مليييون قصيدة ,, بيييض ا

الله وجهه ,, شهامة ماهي مستغربه

ولا يهووون ابو ضيف الله

تحياتي لك

[حمد الضوّي]

محمد بن وائل



صح بدنك ولاعليك زود . لاهنت يالغالي أسعدني مرورك المشرف وشكرا ً على الإطراء . ومثل ماتفضلت ابو ناجح القصيد قليل بحقه ,, أكرر شكري ,, دمت بخير وعافيه




-