يقولون وكر الحر مايعتليه البوم - °~*¤®§(§ شبـــكة ويــلان العـربـيـه §)§®¤*~ˆ°

**سعود المسعودي** · 22/10/10, (06:38 PM)

يقولون ماللعبد بد عن المقسوم=وانا اقول صح ويقنع العبدمقسومه

عسى الله يعين اللي توافد عليه هموم=همومن تخلي طبلة الراس منجومه

ترى والله انه مايكدر عليك النوم=سوى كلمة من بعض الاصحاب مسمومه

اذاجت من الغالين ولا الرخوم رخوم=ولا امحق من الغالي اليا شانت علومه

ضعاف الروابع تبتلش والقروم تشوم=ولاهيب لا شامت من الشين مليومه

ولا الزين من القاع الخلا والوجيه سلوم=ولا رفقتٍ مع طول الايام ملغومه

ولا الذ من عشرة شريفن من اقصى القوم=يبادلك فعل الطيب معناه وسلومه

واذاشفت في جو الصداقه غبش وغيوم=عطيت الدروب اللي مع الارض مرسومه

ولامثل عز النفس لو مامعك مطعوم=وعن اهل الشماته خل الاسرار مكتومه

معي لوسمحت شوي عقب عداك اللوم=ابعطيك عن بعض الرياجيل معلومه

ترى اللاش لو وقف معك في حياته يوم=تشوف الردى متبين فيه من يومه

وانا اقول لوان في وجيه الرخوم وسوم=عرفنا نميز قيمة النذل بوسومه

على شان نجلس مع رجال الوفا ونقوم=ونبعد من اللي عند الاجواد مذمومه

وانا اسمع مع اهل التجربه في الحياة علوم=بعضها صحيح وبعض الاخبار موهومه

يقولون وكر الحر مايعتليه البوم=وانا شوف عيني وكر حر تحت بومه

**غموض الشمال** · 22/10/10, (08:32 PM)

الفاضل سعود المسعودي
صح لسانك ولسان شاعرها
قصيده جزله لاهنت على النقل الجميل
تقديري لك

**حمد الضوّي** · 23/10/10, (12:26 AM)

سعود المسعودي

صح لسانك ولسان شاعرها قصيده طيبه من وجه ٍ طيب,,, لكن ياليت لو ذكرت أسم صاحبها حيث ماني عارفه ,,,,,,,,,,,,,,تقبل تحياتي وتقديري

**نافع عيد الجديد** · 27/10/10, (11:35 PM)

صح لسانك ولسان شاعرها
قصيده جزله لاهنت على النقل الجميل
تقديري لك

**فيصل الرسلاني** · 28/10/10, (06:02 AM)

رائعه كروعة ناقلها ............جزيل الشكر لمشاركتك لنا بهذي القصيدة الجزلة ...لا هنت

**سعود المسعودي** · 31/10/10, (06:54 AM)

اقتباس:

المشاركة الأصلية كتبت بواسطة غموض الشمال

الفاضل سعود المسعودي
صح لسانك ولسان شاعرها
قصيده جزله لاهنت على النقل الجميل
تقديري لك

الف شكر على المرور الكريم

خالص تحياتي وجل التقدير

**سعود المسعودي** · 31/10/10, (06:55 AM)

اقتباس:

المشاركة الأصلية كتبت بواسطة حمد الضوّي

سعود المسعودي

صح لسانك ولسان شاعرها قصيده طيبه من وجه ٍ طيب,,, لكن ياليت لو ذكرت أسم صاحبها حيث ماني عارفه ,,,,,,,,,,,,,,تقبل تحياتي وتقديري

الف شكر على المرور الكريم

خالص تحياتي وجل التقدير