جمر الوداع - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 17/10/10, (03:41 PM)

بسم الله الرحمن الرحيم
السلام عليكم ورحمة الله وبركاته
متواضعه اتمنى ان تنال اعجابكم ولاتبخلوا علي بالنقد خصوص اخوي البدر

حبيبتي وينك ابقولك شي =شعور جاني يوم طول غيابك
احس كوني مظلم مابه الضي =واحس ماغيرك يداوي صوابك
وتحيي لي الذكرى طول بسمه شوي =وتزيدها ريحه عطر في ثيابك
طولي ولكن مقدر امسك بيدي =عندي ولكن ماعرف وين بابك
متى تكرم تسقي الضامي المي= تعبت في دنياي اطارد سرابك
جمر الوداع احرق خفوق الغلا كي= حتى الوداع المر يمي ماجابك
الله من قلب طواه العنا طي =مرت سنينه كلها ما اهتنابك
من كثر ضلمك والجفاء ياقمر زي =هداج تيماء صعب يقضي عذابك
محداً بيبقي ياقمر دايمن حي =والموت شفته يوم انا شفت نابك
وأنا بدونك والله اني ولاشي= طفل فقد كل الفرح في غيابك

**محمد بن موسى** · 17/10/10, (04:08 PM)

مشهور الرشدان

صح السانك اخي الكريم

فكرة القصيدة رائعه ولكن توضيفك الى بعض المفردات جاء بغير مكانه المناسب
فالقصيدة اخي الكريم فيها لمسات رائعه
ولكن الاغلبيه تحتاج الى اعادة نظر وتدقيق كذلك هناك عدم ترابط داخل الابيات
عند انتقالك من فكره الى فكره

فمثلاً هذا البيت
اتمنى منك شرح فكرتة والغايه منه وما المقصود به ؟

وتحيي لي الذكرى طول بسمه شوي
وتزيدها ريحه عطـر فـي ثيابـك
طولي ولكن مقـدر امسـك بيـدي
عندي ولكن ماعرف ويـن بابـك

**حمد الضوّي** · 17/10/10, (05:57 PM)

مشهور الرشدان
ـــــــــــــــــــــــ
صح لسانك قصيده جميله مع أنني أوافق اخوي محمد بن موسى الرأي ...

( وصدقني بما إنك تطلب الأخوان نقد قصيدتك سوف تصبح شاعر متمكن يشار له بالبنان ) نتمنى لك التوفيق,,,,,,,,,,,تقبل مروري,,,دمت بخير

**البدر** · 17/10/10, (07:53 PM)

ياحي الله مشهور الرشدان

الغالي صدقني ان لديك موهبة الشعر وانك قادر على كتابة الشعر ولكنك تحتاج الي بعض الوقت والمحاولات والاستفاده من الاخطاء وبأذن الله ستصل .

اخوي مشهور القصيده فيها بعض الابيات الجميله ولافكار الحلوه .

لكنها في مجملها تعاني من خلل في الكثير من الابيات

فهناك عدم ترابط بين الابيات والمقصود بالترابط بين الابيات هو تسلسل الانتقال من بيت الي بيت يعني لازم يكون للبيت الثاني علاقه بالبيت اللي قبله واذا كان هناك انتقال الي فكره ثانيه يكون الخروج من الفكره الاولى غير ملحوط وبطريقه لاتخل بالترابط .

كذلك هناك حشو كبير في بعض الابيات بدون معنى للأسف مثل الابيات التي ذكرها اخي محمد موسى وغيرها ايضا .

كما ان هناك تعاني من خلل في الوزن وعلشان توزن قصديتك "هيجنها" او غنها على لحن واحد وبأذن الله سوف تعرف البيت المكسور .

سوف اذكر لك بعض الابيات او الاشطر التي فيها خلل كبير

وتحيي لي الذكرى طول بسمه شوي

حشو بلا معنى واضح وحتى في جمل الشطر مافي ترابط

طـولـي ولـكـن مـقـدر امـسـك بـيـدي

حـتـى الــوداع الـمـر يـمـي ماجـابـك

وشلون الوداع يجيبه لك

من كثر ضلمـك والجفـاء ياقمـر زيهـداج تيمـاء صعـب يقضـي عـذابـك

وش هالتشبيه يامشهور هداج مايجي منه الا الخير والماء الوفير مايجي منه عذاب

تشبيه خاطيء 100%

والمـوت شفتـه يـوم انـا شفـت نابـك

كلمة" الناب" استخدامها غير سليم ابدا هنا

**مشهور الرشدان** · 17/10/10, (08:51 PM)

وتحيي لي الذكرى طول بسمه شوي
وتزيدها ريحه عطـر فـي ثيابـك
طولي ولكن مقـدر امسـك بيـدي
عندي ولكن ماعرف ويـن بابـك

في البيتين هذول عنيت انه قريب مني هذ1 الشخص لكن مقدر اوصله
وحتى الوداع المر يمي ماجابك المقصود في هذ1 الشطر اني ابغاه يجي حتى لو كان وداع مر والوداع المر اللي هو وداع الفراق يعني بشوفه بعدين كيفه لو يروح

هداج تيماء صعب يقضي عذابك شبه المويه العذبه في عذاب الحبيب مو القصد ان هداج فيه عذاب لا و انا هيجنت القصبده على لحن معين
وشاكر مروركم وانتقاداتكم والله لا يحرمني منكم اخوان اعزا

**طلال معيض** · 17/10/10, (10:58 PM)

اشوف انها بداية موفقه مع كلام اخي البدر
ولو بررت العذاب بالماء العذب ايضا لايفي بالغرض الذي يقصده اخي البدر هناك فرق بين ماء عذب اي حلو وعذاب

شاعر مبدع ولك مستقبل باذن الله بداية رائعه

**مشهور الرشدان** · 18/10/10, (01:00 PM)

شاكر مرورك اخوي طلال