المجره....... - °~*¤®§(§ شبـــكة ويــلان العـربـيـه §)§®¤*~ˆ°

**احمد العريفي** · 02/10/10, (10:04 PM)

وقف قبل لاينجلي اسود الليـل=ودي امتـع ناظـري بالمجـره
وانص الرفاع وخلنا ندور اسهيل=دام الجدي واضح ولا عنه غَـره
وكان الثريا حدرت غرب بالحيـل=نجـم الصبح يم المشارق تحـره
يازينها نجوم الغـداري قناديـل=كن الكواكـب في دجـى الليل دره
شَوْف النجوم يعلل القلب تعليـل=يبعد عن القلب الحزين المضــره
وقف ترى ياصاحبي مابنا حيـل=في وقـفـتك ياصاحبي لي مبـره
دام الليالـي مقفيـات ومقابيـل=الجـمـر كلٍ يـم قرصـه يجـره
لا تبحث الخافي وخل التفاصيـل=ترى بعـضـها يلهد الكبـد حَـره
اقولها وانا اتقطع مـن الويــل=واحـس كـن بداخل الحلـق مـره
جرتني الدنيا مثل جارف السيـل=لغـصون سـدرٍ جرها فـي ممـره
ماهمني كثر الغـثـا والغرابيـل=دام السـتر والعافـيـه مستمــره
وان شفت رجالٍ يسب الرجاجيل=تلقى ضميره تـقـل صـوان حَـره
اترك كلام الناس والقال والقيـل=واغـنم صـلاة الفجر فيها المسـره
واشيب عيني كان بَيٌنْ بنا الميـل=نصير لـعـيون الشماميـت قــره

احمد بن عبدالرحمن العريفي
(نديم المجره)

**عبدالمحسن الجلوي** · 02/10/10, (10:25 PM)

نصير لعيون الشماميت قره الله الله صح لسانك يانديم المجره عزالله ابيات ...

تقبل مروري وصادق تحياتي..

**صبيح العوض** · 02/10/10, (11:09 PM)

اخي الشاعر القدير / احمد العريفي

صح السانك ملايين الحقيقه اني لااملك التعبير الكافي ولاكن كل مابغيته وجته في قصيد الشاعر احمد العريفي حكمه شعر نصيحه الى اخره

مشاالله عليك الله يحفظك من كل مكروه وشهادتك لي باذكا وسام على صدري ولون قصيدك واضح في كل معانيه الجزله

تحياتي وحترامي

**حمد الخمعلي** · 02/10/10, (11:51 PM)

الاخ الشاعر احمد العريفي

صح لساانك على هذه الجزااله التي تمتعنا بها وبشعرك وحرفك المنفرد0

كُن بخير

**سالم العنزي** · 04/10/10, (02:33 PM)

تسلم يمينك وفكرك وذوقك

احمد العريفي شاعر بكل ماتعنيه الكلمه

صح لسانك مليوووون

**عبدالله عشوي** · 04/10/10, (04:37 PM)

اخي الشاعر

القدير

احمد العريفي

دايم مبدع ياغالي

تحياتي لك

**بدرفهد الجعفري** · 05/10/10, (05:21 PM)

كبير دائما يا احمد العريفي في كل حضور

والله انك تمتعنا دائما صح لسانك