الدمع حبري - °~*¤®§(§ شبـــكة ويــلان العـربـيـه §)§®¤*~ˆ°

**بروق الشمال** · 28/09/10, (01:09 PM)

الدمع حبري والجفن كراسه= والضلع محني والحزن ملبوسه
والقلب كنه بن في محماسه =واوتار قلبي كلها ممسوسه
والراس شيب والعيون نعاسه= والحيل نوخ بعد طول تعوسه
قطع الرجا لوح علي براسه= والضحك غرب بعد طل شموسه
باب الجفا يلفح على بنفاسه=واصبح حقيقه واضحه ملموسه
وين انت يالي صادقن باحساسه=الوقت من بعدك يسن لموسه
صارت هموم العمر لي جلاسه=وايست من شوفك وانا ميئوسه
بعض البشر شوفه يزيد نحاسه=وبعض البشر قطعه يزيد عموسه
وبعض البشر نبع الوفاء من ساسه= النبع صافي والوفاء مغروسه
اخذ العهد واختم على قرطاسه=محبتك في خافقي محسوسه

**أبو غرام** · 28/09/10, (02:14 PM)

قـــطـــع الـــرجـــا لــــــوح عـــلـــي بـــراســــه

والضـحـك غــرب بـعـد طــل شـمـوسـه

.

الله عليك الله

وصح لسانك ما حييتي اختاه

ابدعتي واجدتي ونقلتينا معك

في هذه الفاتنه

اخوك ابو احمد

**بدرفهد الجعفري** · 28/09/10, (04:10 PM)

الاخت بروق الشمال

صح لسانك على هذه القصيده الجميله جدا

لله درك ايتها المبدعه

**سعد النفج** · 28/09/10, (06:02 PM)

بروق الشمال ..
الله الله ..
روعه و جمال و احساس ..
صح لسانكـ من أول حرف إلى آخر حرف ..
اعجبني النص جداً ..
تستحقين الإشاده ..
دمتي بخير ..

**طلال معيض** · 29/09/10, (01:12 AM)

القصيده رائعه وقافيه اروع

بس مدري بروق الشمال الصوره رجل والقصيده فيها كلمة انا ميؤسه تعود لانثى

بصراحة احترت

**بروق الشمال** · 29/09/10, (04:51 AM)

الشاعر المبدع جايز
اشكر لك مرورك لمتصفحي
والابداع مرور قامات شعريه مثلك ومثل بقيت اخواني الشعراء على متصفحي
شاكره لك هذا المرور العطر
تقبل احترامي لذاتك

**بروق الشمال** · 29/09/10, (04:54 AM)

اخوي بدر مرورك اتحفني
وعطر اجواء متصفحي
لك الشكرعلى هذا المرور اخي الكريم
تقبل احترامي لذاتك