رجل يحضر زواج عشيقته...!!! لا ويلقي قصيده

[عامر العنزي]

شاعر يحضر زواج حبيبته ويلقي قصيدة للعريس !!!
(من أروع ماقرأت)

هذه قصيده وجهها عاشق لعريس عشيقته ليله الزفاف ما رأي المقبلين على الزواج لو كان احدهم مكان هذا العريس ؟ ووجد هذا العاشق يلقي القصيدة امامه في قاعه العرس؟
اقدم عدة احتمالات

-1-

الطلاق

-2-

سحب مسدس وقتله_ ولا اظن احدا يحمل مسدسا في مثل هذه الليلة

-3-

ينزل ويجلسه مكانه !!


دعونا من الإحتمالات وخلونا بهالقصيدة الرائعة المؤثرة بالفعل التي سـ تجبرك على قراءتها للنهاية
وإن شاء الله تحوز على رضاكم





أبد .. ما جيت أبارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لأجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك العقد بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر في محاسبْتي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

انا ما جيت اخرّب عرسك الليلـه ولا آذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رقبتي !!!

ارجو ردودكم وتفاعلكم والكل يقول مايتوقع ماذ يحصل ....

...........

[طلال المطردي]

صراحه الموقف محير جدا ولا ادري وش بيسوي العريس بعد هالقصيده

عموما الف شكر لك اخوي عامر على اختيار القصيده وعنوانها






واتمنى اشوف رأي الجميع...,,,,,

[أبو غرام]

الله لايجيب مثل هالموقف هذا لمسلم

ولكن لو كان العريس مقلع كان قاله : وين الكاميرا الخفيه ^_^

وإلا من الاساس ما يخليه يكمل القصيده

خييييييييييييييييييييييييير .. وين اهله وعزوته ( انت يالعريس ) مسنترين يستمعون له ؟

مع هذا نقول

الله لا يحرق لنا وللمسلمين قلب ... اخوي عامر : الموت لانشوى قلب الواحد

شكرا لك

[مشاعر شآمخه]

ماتوقع قال القصيده او القاها
لانه بيكون خايف على الحبيبه اكثر من نفسه
فيه فروقات شاسعه في درجات التفكير بين البشر
من وجهة نظري
كان الرجل عنده كرامه وحميه عزالله مايقرب البنت
ولارجال وش خلا وصف كل الاحاسيس وبدقة فيلسوف متمكن
لاوبعد الغالي يقول لاتنشد يعني عنده ادهى وامرمن الي انحكى
ماتوقع الزوج
بيوقف موقف المتفرج ويطالع بوجه الزوجه الي ماتكن له اي مشاعر
موقفه اشبه بموقف قيس
لما يسئل
بربك هل ضممت اليك ليلى
الله لايلوع قلوبنا على غوالينا عزالله ياموقفه يحزن

[عامر العنزي]

الف شكر على تفاعلكم مع الموضوع ....,,,


لا كن يالربع وش بيسوي قلبه محروووق على حبيبته يعني عايف الدنياء يعني متساويه


خلاص الولد يبي يخربها يمكن الرجال يعوف البنت ويتركه من كلام الشاعر


ويمكن يتمسك بها وتقعدون لشاعر ....


والله اني محنااار ولا لقيت الحل الي يقنعني





تحيااااتي

[احساس قلم]

عامر لوكنت مكانه وسمعت هالقصيدة
0000
والله لطلقها واخليهم يعشون بسلام
الله يعلن الظروف الي فرقتهم
<<<تبكي
عاد جلست ساعه لين سكت الله
الله يرجك انت وهالقصيدة
بس جد الله يعينه اقصد الشاعر
مع اني اعتقد بالعقل مافيه احد بيسوي هالشيء
عشان البنية
يخاف عليها

[عامر العنزي]

هلابك احساس نورتي.....

............................... يمكن يقووولها من شي داخله عجز لا يكتمه

وبعدين يعني تخيلي شعوره قبل انها له..........................


............................................ وفجئه ضاعت كل الاحلام الماضيه راحت لواحد ثاني