هذي الدنيا كذا

[محمد فليح الجعفري]

يا صاحبي الدنيا حكايات وعلوم

قصص عجيبة تذهل اللي قرها

الدنيا لو تضحك معك دايم الدوم

خلك فطين ولا يهمك رضاها

كم واحد تبنى له أمال وحلوم

يفني وغيره يهتني في بناها

ياما أفرحت قوم وأحزنت قوم

وكم أعشقت عين خانت غلاها

يا صاحبي شفت أمس شف حالنا اليوم

دنيا تقلب يكفي الله من بلاها

تنكدت روحي وعافت كرها

ما كل من علا بالأصوات مفهوم

وما كل روح تلقتي في مناها

وما كل من يشتكي معذب ومحروم

وما كل من يضحك همومه نساها

بحر الحياة إن صرت ما تعرف العوم

يرميك في غبه بعيده مداها

من راح يستسلم من أحزان وهموم

يموت حي وحاجته ما قضاها

واجه هبوب الوقت بإيمان وعزوم

لا بد ما ربك يهديك هواها

وأصبر إذا شمسك حجب نورها غيوم

الغيم يتفرق ويشرق سناها

[عبدالله عشوي]

محمد فليح الجعفري
صح السانك ولاهنت
ياغالي
الله يسعدك
تحياتي

[رائد العنزي]

صح لسانك يالجزل
بانتظار جديدك الشيق

[نافع عيد الجديد]

صح لسانك حتى ترضى
قصيده جزله من شاعر جزل
رعاك الله