رجل يتغزل با ابنته

[عامر العنزي]

قصيده غزل لاب يتغزل ببنته
قصيـدهـ ,, في قمـة الروعـه .. لأب .. عشـق ابنته بجنونـ ,,

الله يخليـه لبنته انشـاللهـ ,, لبنتـه { ن ــورهـ }

يابنـت يكفـي دخيلـك لاتبوسينـي
خلاص يكفي تـرى مليـت مشكـورة
وش لك بخدي يابنت النـاس فكينـي
عندي طريقة وهي ماهيب محظـورة



نامي على صدر ابوك وحيل ضمينـي
لو تصبح عظام صدري منك مكسورة
انتي أساساً مكانـك فـي شرايينـي
مشاركـة بالمحبـة والغـلا "نـورة"



ولاهي غريبة علـى مثلـك تحبينـي
لاني أحبـك وانـادي دوم عصفـورة
يابلسم جروح ابوك وفرحـة سنينـي
يامن لها بالضلوع وخافقـي صـورة



أهديت غيرك كلام رويشـد "اعفينـي"
وانتـي لـك بذمتـي "درة وبلـورة"
اموت في ضحكتك وانتـي ذبحتينـي
بلشة .. عنيدة .. وكتكوتة .. وشطورة



أن جيت اريّح وانـام الليـل توذينـي
متسلطنة تضرب الجـدران بالكـورة
تلعب على عينـي الكـورة تورينـي
والله ولا سامـي الجابـر وجمهـورة



واليا بكت تنقلـب عنـدي موازينـي
دنياي من دمعها وأن سـال مذعـورة
كـن الـزلازل بصـدري والبراكينـي
قامت تفجر وكـن الـروح مخطـورة



واليا ضحكت قلت أنا بالسوق بيعيني
لو كان سعري ثلاث ريـال معـذورة
والله ما أحسد على ضحكك سلاطينـي
اموالهم في بنوك جنيـف محشـورة



انتي حياتي وعمري شمعـة سنينـي
ودي اشوفـك اليـا شيّبـت دكتـورة
ادواي لاجيت لك تعبـاااان ضمينـي
الوصفة اللي تـرد الـروح " عبـورة "

[رائد العنزي]

رائعه والله يحفظها له
شكرا لك عامر

[عامر العنزي]

المشاركة الأصلية كتبت بواسطة رائد العنزي

رائعه والله يحفظها له
شكرا لك عامر

حياك اخوي رائد

اسعدني مرورك

[طلال المطردي]

المشاركة الأصلية كتبت بواسطة عامر العنزي

قصيده غزل لاب يتغزل ببنته
قصيـدهـ ,, في قمـة الروعـه .. لأب .. عشـق ابنته بجنونـ ,,

الله يخليـه لبنته انشـاللهـ ,, لبنتـه { ن ــورهـ }

يابنـت يكفـي دخيلـك لاتبوسينـي

صح لسانك اخوي عامر ولسان شاعرها

انتقيت لنا من القصائد النادره وهو ان أب يتغزل باابنته

قصيده في قمة الروعه كما أنت ،،

لك شكري وامتناني ،،،،،،،،،،،،،،،،،،،،،،،،،،،،،،،،،،

[عامر العنزي]

المشاركة الأصلية كتبت بواسطة طلال المطردي

صح لسانك اخوي عامر ولسان شاعرها

انتقيت لنا من القصائد النادره وهو ان أب يتغزل باابنته

قصيده في قمة الروعه كما أنت ،،

لك شكري وامتناني ،،،،،،،،،،،،،،،،،،،،،،،،،،،،،،،،،،

تحيااتي يالمطردي اسعدني مرورك يالغاالي

لاهنت

[نوف العبدالله]

الله قصيده رائعه صح لسان شاعرها

ويسلم يمين إلى اختارها

إختيار موفق

[بدر العيد]

مميز هذا الاختيار شكرا عامر