سألتيني عن اسمي وادري انك ماتعرفيني=سألتيني من اي الناس قلت اعلمك بعدين

[مازن الفهد]

سألتيني عن اسمي وادري انك ماتعرفيني=سألتيني من اي الناس قلت اعلمك بعدين
أنا مجهول ماعندي هويه أو مضاميني=كرهت الحاله وجيتك امارس لعبة الحبلين
عرفت اني من الويلان والويلان تكفيني=وباقي ذكرياتي ماعرفت خيوطها للحين
ولكن عندي احساس انّ حاجه مسهره عيني=ولا ادري وش سبب هذا الشعور اللي يخص العين
احس ان السهر يا بنت من صغري مخاويني=واحس اني تعبت من السفر ومرافق السارين
تعالي شوفي آثار الرحيل معذب يديني=ولا ادري رحلتي هذي بدت والا انتهت بي وين
حياه احسها صعبه واحس بشي مغويني=وانا اللي كل ماجبت القصايد زادو الغاوين
عشقت الضحك رغم انه مخليني وناسيني=عشقت الفرفشه رغم انها صعبه على الباكين
تجاهلت الظروف اللي تنسيني عناويني=وغيرت العناوين القديمه و البشر قاسين
تخيلت الحياه أجمل من ورود البساتيني=حياه مبروزه بالضحك و التنكيت و التزيين
تشوف الضحك بلساني وانا التجريح باريني=اغير موجة الحزن و محطات الزمان الشين
حياه اجمل .. حياه اروع و لكن بينك وبيني=حياتي لغز حيرني و لا حليته امن سنين
صباحي منبع البسمه....مسائي مايدانيني=كذا ذابت حروف الحكي.. محتاره مع الاثنين
تعالي و اسأليني عن مداي و غبرة سنيني=تعالي و اسأليني عن بيوت العز بعد الطين
تعالي و اسألي عني و عن طلعة مجانيني=تعالي و اكشفي سيرة غريب مات من عامين
تعالي ما بكى موت الغريب الا شياطيني=و لا عزا على فقده ولا واحد من الغالين
اجابه ناقصه .. ادري ..و هذا ربع ما فيني=امانه لا تحديني اجيب العلم ثم تبكين

[عناد الغريب]

مازن الفهد

والله مبدع وفنان واعتبرني من الغاوين

ابتوبع قصايدك لين اروى

ياخوي سرد قصصي عن حالتك لكن بليغ وجميل وجزل تمنيت اني اعرف اخرتها

مازن انت شاعر كبير يامعلم

دمت بكل خير

[بدر الخلاوي]

اخوي الغالي ماااااااااااااااااااااازن صح لسااااااااااانك

صح لسانك حتى ترضى وبيض الله وجهك

وتقبل مروري بود

دمت بحمى الرحمن

[احساس قلم]

تصفييييييييييييييييييييييييييييييييييق
لهذه المعزووووووووووووووووووفة
تصفيق بشدة
مازن الفهد
كانت لدي القناعة التامة بانك شاعركبييير
ولست مبتدي مهم اخفيت هذالشيء
تابعتك من اول قصيدة وواعدك بالمتابعه دوما
صح لساااانك عدد بلا مدد يامبد وكفاني انك من الويلان

[نافع عيد الجديد]

صح لسانك حتى ترضى
ابداع من اول بيت لاخر بيت
اسجل اعجابي
رعاك الله برعايته

[نافع عيد الجديد]

صح لسانك حتى ترضى
ابداع من اول بيت لاخر بيت
اسجل اعجابي
رعاك الله برعايته

[طلال معيض]

اللله الله ابداع لاحدود له لاهنت وتسلم