جت لك يا ماجد

[علي السابل]

متواضعه في كل شئ عدا من جائت من أجله .. الأخ القدير ماجد الجعفري

ما دامها تجمع اليمنى فناجيله= ودلة العذر ماسكها بيسرايه
والله لصب القصيد وشرهته هيله = الين يرضى كبير الشان لرضايه
جت لك ياماجد تسوق البرق ومخيله= تنثر مطرها على قافي ومعنايه
هذا سحاب العذر لوجاب لك حيله=ماهو موفي مادام ان الوفا غايه
ولولاك ماجد ما اقول ايوالله اجي له = ولولا ظروفي ماتخطي دربك خطايه
احيان صعبه ونلقى لحلها حيله= واحيان سهله ولكن حلها تايه
هات العتب والعتب من يمك نشيله= واحكم وحنا على ماقلت مشايه
لرضاك يا مسرج ن للمرجله خيله = تسوق عذري مع الفنجال يمنايه
الوقت لياعدوا رواته مشاكيله = لك اول ماتعد امجاده روايه
عيال ماترضى على تاريخها عيله=وبالطيب ترفع لهم بين العرب رايه
جعافره يوم العمر يدفع بتهليله= عقبان خيل تعشي الذيب بادلايه
لابو زمانن توطتنا مهابيله= كلن يصنف من اكذابه له حكايه
ضاعت معالم عدوده في طمي سيله= وحتى الموالي غدت تشره على ولايه

علي السابل

[علي السابل]

/
/

أتمنى من الأخوه إعادة تنسيق النص لأن لدي مشكله بالتنسيق

[معيض بن عريفج]

الله الله

صح السانك ياعلي وبيض الله وجهك

قصيييدة رااااااااائعه لله درك

تحياتي لك

[تركي صالح]

هلا بك اخوي علي السابل

وعزالله ونعم فيك

لا تكتب الا الجزاله ولا ترضى بغير ذلك

قصيده رائعه من شخصاً اروع

واخوي ما جد يستاهل الطيب

وانت كفو لكل علماً غانم

تم تنسيق القصيده والمشكله في حرف a الذي اعلا الصندوق الماسي في اليسار
يجب الضغط عليه وبعد ذلك تقوم بعملية التنسيق


دمت بود

وتقبل خالص التحايا

[مازن الفهد]

رائعه واعجبني اسلوبك ياعلي شاعر الله يستر عليك و يوفقك
صح لسانك الى حد الرضى

[أبو غرام]

الله الله الله

صح لسانك ومليون نعم ولا توفي بك وبماجد الغانم

ابيات جزله من راس جزل لشاعر جزل وصديق يستحق الاشادة به

تعلم ابو مصعب ان شهادتي بك مجروحه

ولكن لجمال ما قرأت وجب التواجد

لك من محدثك الود والتقدير

ابو احمد

[سعد النفج]

علي السابل
كلنا شوق لمعانقة ابداعك
نص جميل و راقي و مميز
صح لسانك يا ابو مصعب
و لا أستغرب الجزاله من السابل
و الراقي / ماجد يستحق هذا الجمال
مبدع يا علي
حفظك الرحمن