لولا الحيا ومسابق الطيب والجود //// ماشفتني ياصاح صدري شمالي

[حمدان المطرفي]

السلام عليكم ورحمة الله وبركاته

مسّاكم الله بالرضا والمسرّات أعضاء هذا الصرح الشامخ

أتمنى أن ترقى لذائقتكم الشعريه ولكل من مرّ من هنا :

لولا الحيا ومسابق الطيب والجود=ماشفتني ياصاح صدري شمالي
ولولا إن بعض الهرج ياتيك منقود=لقيت صمتي للملا راس مالي
وإن جات زله من هديفه ومقرود=ماحركت شعره ولاضاق بالي
أنا رجل واثق ولاأعتاز لشهود=حتى تزكيني على قدر حالي
ونا الذي لاجات للنعم والزود=خذيتها لو كلفتني حلالي
ربيت فالدنيا ونا رفعتي عود=متنومسن بإسمه على أول وتالي
أصبر وصبري لو على شمخ الذود=تبرك ونا متني جبل فوق عالي
ولو الليالي في عيوني غدن سود=أصبر على الدنيا و جور الليالي
وإن عادت الفزعه مع قروم وسنود=حولي بني عمي وحولي خوالي
كل رجل بالدنيا له خطوط وحدود=حتى لو إنه كان بالعين غالي
خطوا رجل يمزح على غير مقصود=يجيب له منقود لو كان خالي
وعمر التكبر مارفع آدمي زود=الكبر لله والبقى ياحلالي
بكره تموت وياكل بجسمك الدود=ماهو بنافعك الكبر والتعالي
العقل نعمه والجهل ماجلب فود=مار إن بعض الخلق ماهو مبالي
كنز القناعه فالرجاجيل موجود=والحمد لله دام صدري شمالي

[محمد بن موسى]

ونا الذي لاجـات للنعـم والـزود
خذيتهـا لـو كلفتـنـي حـلالـي

الشاعر الرائع / حمدان المطرفي

والله ومليون نعم يالمطرفي ولا يسدن
ما اعذب حرفك وما اروع عزف قلمكـ .
الذي يعرف بمهارة كيفَ يحركـ مشاعرنا.
.
.
بهذة الشامخه سيدي الكريم
تحلق بنا في كل الأرجاء..
وتحمل العبير ..
في كل الأنحاء..
:

:
صح السانك مدد بلا عدد ياحمدان
أشكر لك هذه المصافحه الشامخه والممزوجه بأعذب
الكلمات
المتناسقة
الجميلة
والمعبرة
في ان واحد
:
دمت بود وسعادهـ

[بدر الخلاوي]

حمدان المطرفي صح لساانك وعتلا شاانك

بيض الله وجهك ورحم الله والديك

على ماقدمت لنا

ودي وتقديري ومعزتي لشخصك

[نايف هويدي العواجي]

وان عادت الفزعه مع قروم وسنود..حولي بني عمي وحولي خولي,
كل رجل بالدنيا له خطوط وحدود..حتى لو انه كان بالعين غالي,


صح لسانــك والنــعم فيــك وبربـــعك يا حمدان المطرفي
..كلمات رائعه من شاعر راقي ويعطيك العافيه
..على الابداع الشـــعري

[مازن الفهد]

كفو ياحمدان و الف نعم بك
صح لسانك .. قصيده رائعه و اعجبتني و تستاهل التقدير

[ماجد الغانم]

حمدان المطرفي

صح لسااانك ..ولاهنت

قصيدة جزلة مشبعه بالحكم

لله درك

ودمت بكل خير

[تركي صالح]

ونا الذي لاجـات للنعـم والـزود
--------------خذيتهـا لـو كلفتـنـي حـلالـي

والله الف نعم فيك

شاعرنا المبدع / حمدان المطرفي

لله درك على هذا الابداع الغير مستغرب من شاعر مثلك

دمت بود

والله يعطيك العافيه

وتقبل خالص التحايا