بسكآت يغليني وانا حيل مغليه .. لاتليفون ولامواعيد غدرى

[احساس قلم]

ماكني اعرفه ولاكني ابغيه
وانا عليه من امه احب واجرى

ياكثرها تسلميتن يوم الاقيه
لي عين تكتب له وله عين تقرى

وان حل طاريه تجاهلت طاريه
ماكني ادري عنه وانا به ادرى

بسكات يغليني وانا حيل مغليه
لاتليفون ولا مواعيد غدرى

يصون ودي عن عدوله وحاميه
وانا عليه احجى من القلب واذرى

حبن عفيفن والصراحه سواقيه
في وقتنا ماظنتي زيد يطرى

لاسولف بحبه ولانيب كانيه
وغيري لو انه يوالفه كان هذرى

احشم قريبه حشمتن له واداريه
واخشى يجي في خاطره شي وادرى

لايحسب اني يوم قفيت ناسيه
لعيونه اني ماتحاليت عذرى

ليت الزمن يرجع وانا اعلمه ليه
والا الحظوظ من المقابيل تشرى

كل العذارى في الوفا ماتساويه
كنه اليمين وباقي الغيد يسرى

قولو له اني مارتضي بالبدل فيه
لامال قارونن ولا عرش كسرى

يرتاح ماغيره ملا عين هاويه
غلاه نهر النيل والقلب مجرى

واكبر دليل اني الى غاب احاتيه
كم ليلة ماتت على كف مسرى

وان قالو انه شرق وازريت لاجيه
وجهت وجهي كل مانمت حدرى

[غموض الشمال]

كلمات رووووعه

الله يعطيك العافيه يالغلا

وتسلم الأيادي على النقل المميز

تقديري لكِ

[صبيح العوض]

احساس قلم

صح السانك قصيده اكثر من رائعه

تحياتي

[نافع عيد الجديد]

سلمتي اختي على النقل المميز
وصح لسان شاعرها
لاعدمناك

[نواف ابن ثويني]

كلمااات رائعه ورااااقيه

تقبلي مروري

تحياتي لك

[ماجد الغانم]

شكراً اخت احساس

نقل مميز

قصيدة راائعه

[تركي صالح]

احساس قلم

كل الشكر على هذا النقل الرائع

والله يعطيكِ العافيه