_-( حي القوافي )-_

[عادل عبدالرحمن]

مرتا اخرى اصافحكم
املا ان تحوز مشاركاتي على رضاكم واستحسانكم


اترككم الآن مع


(حي القوافي )

حي القوافي يوم لجلي تبرم=حي الرفيق وحي حالي فضوله
يابوعوض للقاف مغزن تخرم=رميته برمحي ومثلي يطوله
لعيونك اكشف سر عمري وتكرم=لعيونك انثر كل عرضي وطوله
مصيبتي خلي عليه محرم=لابالخيال ولابحلمن انوله
منه الصواب وقلب عادل تشرم=وعنده شعاع الشمس تاقف خيوله
حاولت ابنسى كل همن تفرم=الا الهوى ماعاد تلقى حلوله
كن الهوى والروح بنتن ومحرم=ماتمشي بدونه وهذا ميوله
يابوعوض اكتب جريحن مخضرم=مسجون في عشقه وشعره سيوله

وسلامتكم

[ابو رزان]

بسم الله الرحمن الرحيم

الشاعر : عـــــــــــادل العــــــــبد الرحمن

صح لسانك ولا هنت
قصيدة جميلة كان لي معها القاء الاول وانا اعتز بذالك.
اتمنى لك كل التوفيق .

اخوك : ابو رزان

[عبدالله الحجيلان]

عبدالرحمن




صح لسانك ولاهنت


سجل اعجابي ومتابعتي لك

[مزيد المزيد]

هلابك ياعادل وهلا بجديدك

تسلم يمينك ويعطيك العافيه رائعه وجميله بحضورك

صح لسانك

دمت بخير

[تركي صالح]

الاخ/ عادل

صح لسانك ولاهنت على الابيات الجميله

ولك فائق مودتي وأحترامي

[سلطان العنزي]

لعيونك اكشف سر عمري وتكرم
لعيونك انثر كل عرضي وطولـه

مصيبتـي خلـي عليـه محـرم
لابالخيـال ولابحلمـن انـولـه

منه الصواب وقلب عادل تشـرم
وعنده شعاع الشمس تاقف خيوله

صح لسانك
صح لسانك
صح لسانك

كلمات اكثر من رائعه تحكي عن عادل
دمت لويلان

اخوك
سلطان العنزي

[عادل عبدالرحمن]

الشاعر والاستاذ الكبير والفيلسوف : ابورزان

صح بدنك طال عمرك

وانا ارى الجمال والابداع لايكتمل الابتواصل الاساتذه وعلى رأسهم سموك الكريم


اشكرك من الاعماق

واشكر مرورك الكريم

تقبل اجمل تحياتي

اخوك الصغير : عادل العنزي ( ابوطلال )