× عـــ آلمجنون ـــالمي [] و آنا بكيفي {}

[مازن الفهد]

عالمي الذي كالما حلمت باحتضانه لي ..
سأكتب هنا كل شيء لعلني أنسى ما هو واقع في حياتي ..
نعم .. ليس إلا هربآ من الواقع ..
( افهموها مثل ما تبون ^_^ )
.
بكتب كل شيء ..
إيه بكتب كل شيء ..
.

[مازن الفهد]

استغرب ..
رجعت فلانه بعد انقطاع دام لأشهر
.
عارفين لازم يكون هناك اسأله قبل اصارحها بشعوري ..
.
وش ذكرك فيني ؟
وش اسباب تركك لي كل هالمده ؟
و الكثير الكثير ..
.
طبعا جاوبتني و قالت ..
انت قلت لي انك تحبني موت ..
قلت : و بعدين ..
قالت : انت قاسي ..
( تبغاني اترجاها .. )
طبعا قلت ..
الله يوفقك و انتي اخترتي دربك ..
صرخت و صراخه حرك اشياء داخلي كانت غافيه ..
.
ما رديت عليها ..
.
مازن
مازن
مازن
.
وش فيك ..
قلت : انتي قلتي لي قاسي ..
بس وش تقولين لغيابك اللي فجأه طرا ..
لا لا شكل هذي مو قسوه عندك ..
قالت ظروف ..
قلت عآآآآآدي دايم غيابنا نتركه تحت الظروف ..
قسوتنا سببها الظروف ..
صراخنا سببه الظروف ..
كل شي نحاول نصلحه نتركه تحت الظروف ..
.
و انا كفاني ما جاني و ماراح انسى وحده ولعتني فيها و بعدها رحلت و لما انتهت من حياتي جايه ترتكب ذنب ثاني ..
انا نسيتك ..
نسيتك
نسيتك
.
( وانا ادري اني ما نسيتها )
.
و آخر كلمه قلتها ..
..

يا ؟؟؟ أودعك حان الوداع
و العزا في مقبره للعاشقين
ما بكيت إلا على قطع الذراع
و لا فرحت إلا اني احيا مرتين
هي سفينة عشق يبكيها شراع
و الشراع لحاله و ماله معين
و الحزين اللي فقد موت اليراع
جاك فاقد زهرته بين اليدين
ايه جاهل وادري الدنيا متاع
و البلا ليا صرت بالدنيا حزين
أصعب الاشياء موتي و الوداع
و اسهل الاشياء دمعي و الونين ..
.
.
صاحت و قفلت السماعه ..
.
.

[مازن الفهد]

.
.
ناس غريبه ..
.
دنيا عجيبه .
.
( أحس هالكلمتين متردده واجد مع الناس )

بس من يقولها من قلب ..
.
طبعا ..
.
.
راح تختلف كثير ..
.
قبل يومين ..
بالضبط ..
احتجت مجموعه من الأشخاص و كانت تربطني بهم علاقه أكثر من جيده ..
و للأسف ..
خذلوني ..
.
ماراح أغير شيء تجاههم بس هل هم حاسين بخطأهم ..
استغرب ..
بس أهم شيء راحت البال و الدنيا ما تسوى ..
بصراحه ..
اتعبتني هالكلمه ..
الدنيا ما تسوى ..
.
كنت اسمع ..
( علامك تبكي الدنيا علامك ... ترا دنياك ما تسوى دموعك )
.
فعلا الدنيا ما تسوى ..
و احيانا احس انها تسوى اني أزعل و اتنرفز و اشره ..
.
المهم ماعلينا ..
.
قبل يومين اكتشفت ان الصداقه انواع ..
طبعا ماراح اقول كل الانواع لأنكم عارفين أغلبها ..
.
بس فيه صداقه غريبه إلى الحين ما أدري وش راح اسميها ..
بس هي أقسى أنواع الصداقات ..
.
عادي ..
اليوم ننجرح و بكرا ننسى و بعده ننجرح و بعده ننسى ..
.
اذا زعلت عندي ابوي كان يقول ( بكره تنسى و تاخذ عجوز ٍ فنسى )
.
مدري وش معناها بس متأكد اني ابوي قصده انك راح تنسى كل شي مر عليك ..
.
و الله مدري وش الموقف اللي حصل و ابوي قال الكلام هذا على شانه ..
بس أبشركم ما أخذت عجوز فنسى للحين ..
ههههههه
.
الزبده ..
( ما فيه زبده بدون مخض )
بس الحين بجيب الزبده و بدون مخض ..
.
الصاحب اللي ما كسبت محبته لا تخسره ..
.

[مازن الفهد]

,
.

مشكله اذا حبيت وحده و تزوجت و تركتك مع الذكريات ..
و فجأه بعد خمس سنوات من الضياع ..
تحب اختها و تحاول تطلب يدها ..
بس المشكله ..
هل توافق على الزواج من اللي كان يحب اختها ..
و إيش ردة الفعل للحبيبه الأولى و هل يتم الزواج ..
و إذا لا سمح الله تم الزواج وش راح تكون حياتك مع حبيبتك الثانيه اخت حبيبتك الأولى ..
و هل تستمر علاقتكم الزوجيه أو تهوي إلى القاع ..
و السبب في الطلاق وش راح يكون ..
.
قاعد أحط احتمالات بس الأكيد إني ضد الزواج اللي كذا ..
يا أخي ملايين البنات و تضيق فيك الدنيا إلا أخت حبيبتك ..
.
تصدقون هذا أغرب تفكير أشوفه ..
.
يا ...... اغسل يدك انه بيتم الزواج ..
عندي اقتراح انك لو تحب خدامة جاركم أبرك من أخت حبيبتك ..
.
مجرد اقتراح ..
.
.
شوفوا مازن قاعد يعطي اقتراحات ..
بس المصيبه ..
.
اذا كنت أنا شاهد على هالزواج و الله ماني فاضي أكون شاهد على طلاقهم ..
.
.

[مازن الفهد]

ميل الجذع لليمين ثم للشمال مع العدّ أربع مرات ..
يمين ..
ثنين ..
ثلاثه ..
أربع ..
.
شمال ..
ثنين ..
ثلاث ..
أربع ..
.
التمرين الثاني ..
.
ثني الذراعين أمام الصدر مع العد أربع مرات ثم مد الذراعين مع العد أربع مرات ..
.
ثني ..
ثنين ..
ثلاث ..
أربع ..
.
مدّ ..
ثنين ..
ثلاث ..
أربع ..
.
.
مازن و يسوي تمارين الصباح خخخخ
.
تذكرت مدرس الرياضه الله يذكره بالخير ..
كان يقول اتنين ما يقول ثنين كأنه رابي مع أهل جده ..
.
و أربع كان يقولها أبّع .. مدري وين راح حرف الراء ..
.
و الكارثه إذا سوى انحناء الظهر للخلف و الفانيله قصيره .. و قعد يحسب أربع عدات ..
.
و على طاريه و الله قاعد أشوف طبعة أصابعه على صابري ..
الله يا شخصيته ..
كنت أتحلم بشنبه بس و اقوم مفزوع كيف لو أشوفه الأستاذ بهيئته ..
.
دخلت الجامعه و كنت أخاف يكون ناقل للجامعه بس كان عندي أمل إنه يتقاعد قبل أدخل الجامعه ..
و فجأه ..
و أنا داخل الجامعه و مقدم أوراقي شفت رفيقي أيمن خخخخ لا أبشركم ما شفت مدرس الرياضه ..
المهم ..
مشيت في ذاك السيب اللي لو تمشي معه البعارين تهلك و بآخر السيب شفت مدرس الرياضه و من الفزع رجعت لأول السيب و قلت ما عاد أبي جامعه .. و قلت لرفيقي حسّان ما دام مدرس الرياضه موجود هنا أفضل إني عاطل و لا أشوفه يتكلم علي و انا كاشخ بعقال .. كنت متحمله لأني مو لابس عقال ..
المهم قال حسّان .. لا تفهم خطأ .. المدرس مقدم أوراق لولده فيصل .. و من الفرحه حبيت راس حسّان و قلت عشاك الليله عندي بمطعم كنتاكي ..
المهم ..
قدمت اوراقي و انتهيت و أبشركم عديت بمعدل حلو ..
ما يهم المعدل أهم شي ما يقطعون المكافأه ..
.
و الله اشتقت لمدرس الرياضه بجد ..
و ذكريات المدرسه ..
.
عرفت قدر الكف اللي جاء بوجهي لأني ارتكبت خطأ فادح ..
كنت مايل عن الطالب اللي قدامي بتقريباً 2 سنتيمتر ..
لازم أكون وراه بالضبط و لو كان دب اللي قدام أحاول أحافظ على التمركز بالوسط ..
( و الله لو انه استعراض جنود قدام اللواء )
بس الله يذكره بالخير و يوفقه ..
.
و ما أنسى رفيقي حسّان اللي واعدته بالعشاء ..
اكتشفت ان ما معي فلوس و طبعاً بعت الجوال n95 و عشيته ..
و الرجال راح فيها .. غص باللقمه الخامسه .. لأن العشاء مو من نفس ..
و قعد يشرب ثلاث علب كوكاكولا ( طبعا المطاعم تجبرك تشرب كوكاكولا لأن سوقه مو ماشي برا .. و هي اتفاقيه بين الشركه و المطاعم ) ..
المهم الرجال ترك المطعم و قعد يلعن الحظ اللي جابه للمطعم ..
بصراحه ما تمنيت تكون كذا لأني دفعت ( ليه ما غص قبل أطلب العشاء ههه )
.
على طاري حسّان .. قطعوا عنه المكافأه ..
و انتظره الايام هذي يتسلف لأنه مو فاكني من شره و هو مستلم المكافأه كيف و هو بهالحاله ..
.
الله يعين ..
.

[مازن الفهد]

كتبت قصيده قبل شهر ..
و سببت ضجه بالمجتمع لأني اكتشفت مدرسه جديده للشعر ..
بصراحه اخترت قافيه صعبه ..
و البحر متلولس يعني معقد ههه
.
المهم ماراح امدح نفسي واجد ..
و القصيده طويله على الرغم من اني تعبت في البيت الثالث لكن الحمدلله ..
.
القصيده قلت فيها ..
.
ركزوا ..
.
كل واحد يترك الجوال و يستمع ..
.
ورجاءاً لا أحد يقتبسها و يسرقها لأني أثق فيكم ..
.
القصيده .
.

ياحيف يا حيف يا حيف يا حيف = ياحيف يا حيف يا حيف يا حيف
ياحيف يا حيف يا حيف يا حيف = ياحيف يا حيف يا حيف يا حيف
ياحيف يا حيف يا حيف يا حيف = ياحيف يا حيف يا حيف يا حيف

.

و سلامتكم ..
.

و ادري بتقولون صح لسانك و انا بقول صحت ابدانكم ..
.
و على فكره القصيده راح تعرض على قناة الضيعه الشعبيه بصوتي المبحوح ..
و في قناة السلتحه الفضائيه و راح يشيلها المنشد / مالي حظ .. و فيه عروض اتحفظ ماراح اقولها حالياً ..( مفاجأة الساحه الشعبيه )
.
و فيه قصيده قادمه بعد نجاح هالقصيده بعنوان ( ياليت ) و و احب اعطيكم مطلع من القصيده .. و انا ما ودي احرقها لكن البيت الاول ما يضر و هي على الطرق الطويل ..
.


ياليت ياليت ياليت ياليت ياليت ياليت ياليت = ياليت ياليت ياليت ياليت ياليت ياليت ياليت

.
و هناك ديوان مقروء سيرى النور قريبا بإذن الله ..
و القصائد المرفقه بهذا الديوان كالتالي ..
.
يا حيف
ياليت
ونيت
البارحه
طق طق طق
يا حمود

.
و شكرا لكم على حسن الاستماع ..

[مازن الفهد]

قاعد اتصفح أقسام الشبكه ..
و حبيت أوسع صدري ..
واااااا
تفاجأت برفض دخولي و حاولت مع المفتش يدخلني و قلت صاحب الشبكه أخوي و مانفع و قلت ولد عمي ما نفع و حسيت ان بينهم مشاكل و يمكن مأخر الراتب عليه و قلت ما أعرفه و شالني مع حلقني و طردني و قال لا أشوفك إلا بـ 100 مشاركه ..
بس راجع له راجع له .. و 100 مشاركه قريبه و الله لا يعوق بشر ..
.