طاف طيف الهاجس اللي غثني بالليل طيفه

[فواز الغسلان]

طاف طيف الهاجس اللي غثني بالليل طيفه=هاجسه بالفكر يجـمـع شـوط سعيه مع طوافه
لانـزل بالـفكر عـيا عن عـشـاه وعن رغـيـفه=لاجـل يسرق نوم عيني بالدجى قبل انصرافه
ثـم اخـايل بـرق مـزنٍ بالدجى يوضي رفـيـفه=وكل من تسهـر عـيونه في ظلام الليل شافه
بارقٍ يوضي شعـاعـه من ورى وادي حنيفه=ينقض جروحي من اللي ساكن حـي الرصافه
عقب مرباع الضماير طحت في قسوة خريفه=اودعت لـذة شـبـابـي بـين هاجوس وكسافه
والله ان الحال طـاحت مابـقـى منها النصيفه=تشتكي رمح الـمـفـارق والحـواسـد والجـلافه
ورمح هجران الوليف اللي تـرك دنـيـاء وليفه =او رفـيقٍ دس راسـه بالـقـسى مثل الزرافه
عـقـب ماشـيـخ الـقـبـيـله يشـبـه الظلع المنيفه=خـلـتـه سـود اللـيـالـي دون خـتم ولا وصافه
واصبحت للي هروجـه سـاعـة الشده لطيفه=ظنـوا ان الـثـقـل يوزن فـي موازيـن الكثافه
ماتـنـظـفـنـي رجــالٍ كــفـــها مـاهــي نـظـيــفه=وعكس قـانون المراجل بالعرب والله سخافه
والحـقـايـق لـو تـعـاني طـعـنة الكاذب وزيفه=فـي كـلام الـلـي كـتـابـه مايـجـي قـيمـة غلافه
كـنـها بـرقٍ شـعــاعــه لاح وسط مزون صيفه=او حروفٍ صاغـهـا اللي بالعرب بان انحرافه
والحشى لولا القوافي خـفـفـت لاهب صريفه=يشتعل مثل اشتـعال الـزرع في تـالي جفافه
هي عـلاج الخـافـق اللـي يشتكي حـدة نزيفه=شاعرٍ يـنـسى طـعـونـه لا نظم طاروق قـافه
ان شكى لأقـرب ربوعـه ذاق هـزات عـنـيفه=وصار مايفرق عزاء العربان عن حفلة زفافه
وطـعـنـة رمـاح الليالي للفتى ماهي طريفه =وليت روحي عن مكاسب وقـتها تلقى كفافه
ويوم هاجـت بي رياحٍ بالدجى تسمع وحيفه=رحــت لـلـي يدعـس الشدات لو فيها كلافه
من صـوارم نسـل مـره والـشدايـد ماتخـيـفه=لا لـفـاه الـضـيـفـان بـيـته قام بحقوق الضيافه
ويش ابي باللي عزومه ساعـة الشده ضعيفه=دام من دونــه ودون الـمرجله درب ومسافه
وجيت شيخٍ من عيال بحيح مايفضي مضيفه=من يجي علي العـضيبه شــد عن غيره وعـافه
وارثٍ طيب الـمـراجـل والـمـفـازيـع الشـريـفه =ورافــعٍ راس الـقـبـيـلـه فـي نـداه وفي عـفـافه
شامـخٍ يـنـقــل حـمولٍ بالـندى ماهي خـفـيفه=ومن زرع زرع المراجل بالعرب يجني قـطافه
اشهد ان ابن العـضيبه يـبري الـعين الكـفـيـفه=وان فـقــدان ابـوصـالـح فـي مجالسنا حسافه

[ابو ريناد]

فواز الغسلان
راق لي ماعطرت به هذا المتصفح من نزف قلمك
أبدعت قصيده رائعه كروعة حضورك
بانتظار جديدك بشغف
تقبل مروري المتواضع
ودي

[سالم صالح]

الشاعر الكبير والراوي المميز



فواز الغسلان


صح السانك فانت مبدع في كل المجالات ولاتاتي الا بالجزالة


قصيدة رااقية وشامخة وكل بيت فيها عن قصيدة بجماله وحبكته الشعرية التي لايتقنها الا عظماء الشعر


اخي انت فوق الاشادة ومهما كتبت واشدة فيما تكتب لن افيك حقك فأعذرني على تواضع ردي


وتقبل ودي وتقديري

[طلال معيض]

الله عليك

تسلم يارواينا وشاعرنا فواز

قصيده معبره

يعجز التعبير عنها

دمت بود

[خلف الغريب]

صح لسانك يا ابو فهد وجزلة من جزل ويستاهل الدكتور علي العضيبة هذا الثناء فهو من الرجال الذين لهم وقفاتهم المعروفة مع ابناء قبيلتهم ونعم به وبآل مرة عموم ...

تحياتي لك ابو فهد

[عايدالعنزي]

المبدع

الشاعر
فواز الغسلان

صح لسانك وعلى شااانك

ابدعت يامبدع

كل الشكر على هذه الدره

لك

تحياتي

وتقديري

[فواز الغسلان]

المشاركة الأصلية كتبت بواسطة ابو ريناد

فواز الغسلان
راق لي ماعطرت به هذا المتصفح من نزف قلمك
أبدعت قصيده رائعه كروعة حضورك
بانتظار جديدك بشغف
تقبل مروري المتواضع
ودي

اخوي ابوريناد حياك الله يالقرم

واشكرك على مرورك وتعليقك النبيل

تحياتي العطره..