ماصدّقت عيني يجيها بشيرك......

[عناد الغريب]

ياللي تدق البـال ربـي محييـك=اقلط ترى مامر بالبـال غيـرك
من دلة افكاري تفضـل بقهويـك=وقدوع من نخله على جال بيـرك
ماقدمك الا طيرعينه مـع ايديـك=عشّه حنان ويصبح الطيرطيـرك
طيرن يفز ليا سمع بس طاريـك=يبغى قليلك ماطمع فـي كثيـرك
وتلقـا حوالينـه ورودآ تناديـك=وردآ عبيره ينسكب من عبيـرك
كلن تقول انا فدى تراب رجليـك=وكلن تبي الاقرب لخطوة مسيرك
طب وتخيّر في جنايـن محاكيـك=ماتسمـع الا كثـر الله خـيـرك
خذ راحتك ماظن يحتاج اوصيـك=الزرع زرعك والغديّـر غديـرك
انت المدير وكل الاعضاء مماليك=تديرهن ماالله خلق مـن يديـرك
عش في رغد لايكدرالوقت صافيك=ماصدّقت عيني يجيهـا بشيـرك

[خلف الغريب]

صح لسانك يا عناد على هالمشاعر الشفافة والالفاظ الرقيقة ..

طب وتخيّر في جنايـن محاكيـك

ماتسمـع الا كثـر الله خـيـرك

ابدعت وامتعت كما هي عادتك ..
وكثر الله خيرك..

[سالم صالح]

الراااائع دائما


عناد الغريب


صح السانك على هذة القصيدة الراقية والجميلة ولاهي غريبة عليك الجزالة شاعر ممتع بكل امانه


تقبل ودي وتقديري ولاتطول الغيبه

[طلال معيض]

الله الله

ياعناد

معبره واحساس شاعر
لاهنت وتسلم

[احساس قلم]

المشاركة الأصلية كتبت بواسطة عناد الغريب

كلن تقول انا فدى تراب رجليـك=وكلن تبي الاقرب لخطوة مسيرك
طب وتخيّر في جنايـن محاكيـك=ماتسمـع الا كثـر الله خـيـرك
خذ راحتك ماظن يحتاج اوصيـك=الزرع زرعك والغديّـر غديـرك
انت المدير وكل الاعضاء مماليك=تديرهن ماالله خلق مـن يديـرك
عش في رغد لايكدرالوقت صافيك=ماصدّقت عيني يجيهـا بشيـرك

الله عليييكـ ياعناد قصيدة رائعه
وابيات قمة
صح لسانكـ مدد بلاعدد
دمت دوماا بود استاذي

[عناد الغريب]

المشاركة الأصلية كتبت بواسطة خلف الغريب

صح لسانك يا عناد على هالمشاعر الشفافة والالفاظ الرقيقة ..

طب وتخيّر في جنايـن محاكيـك
ماتسمـع الا كثـر الله خـيـرك

ابدعت وامتعت كما هي عادتك ..
وكثر الله خيرك..

الاستاذ خلف الغريب

صح كلك ولاعدمت رقئ ردك وعذوبته

لاهنت ومتع الله بايامك في طاعته

وكثر الله خيرك

دمت ورحم الله والديك

[عاشق المعالي]

الشاعر عناد الغريب

صح لسانك وشكرا لك على هذا الحضور الجميل

تقبل مروري