افكار مزحومه على فكرة انصات.......

[حمد الوايلي]

الليل حل وطولت فيه الاوقات=واحترت اقلب وسط الاحلام صفحات
ليت الاماني ماتجي في خيالي=وليت الحقيقه مالها واقع اثبات
بس الحياه ادوارها لولبيه=تقسي عليك وتبتعد في مسارات
أحيان تقبل في سعاده وفيره=واحيان تدبر تتركك في متاهات
وانا كذا والليل أترك واخلي=افكار مزحومه على فكرت انصات
ماأدري شغف فكري لحلم التطور=والا عيار المعرفة به زيادات
يحتار فكري فيك في كل فتره=يانفس يانفس الهوى والملذات
زليت باسبابك ولاهي بزله=وأقفيت في دربي اجر الخطيات
يانفس يكفي من خطاياك توبي=وعليك في رجوا الولي بالصلوات
روح الفتى مابين لحظه ولحظه=ترقى الى رب البشر بالسموات
الليل قرب ينجلي ياهجوسي=هذا اذان الفجر نادت به اصوات
خفف على نفسي بقايا عتبها=واتجمعت من بعد ماكانت أشتات
بعد الصلاه اكمل اللي بديته=عن مابنفسي من هموم ومشقات
نفسي خذت من هالحياه التجارب=وتركض على يوم السعد باتجاهات
تعلمت تنفي الجهل والتطرف=وتعلمت تزرع بذور الطموحات
لو انها في صبرها قل حيله=تبني ودايم بنيها بالأساسات
من مدها الفكري تصوغ المبادي=تحد من جمع البدع والخرافات
لان النفوس الباغيه تستغلك=وتفتي بلا تدليل تفتي بقياسات
والعقل بين الناس يفرق بفكره=والعلم مايحمل دنو النقاشات
تلقا اديب يحاول انه يغير=في مجتمع ونتيجته بالنزاعات
وجاهل يطبل خلف تفكير فارغ=يرفع جمل فيها عظيم الشعارات
شف النتيجه في تأخر أممنا=بالعلم والا في جميع المجالات
في شرعنا قمة بلوغ التطور=أن كان طبقنا نصوصه ادارات
تلقا الامان وصحوة الفكره قوه=ويكسر سدود الجهل علم الخيارات
أنظر الى التاريخ واقرا وفصل=وحدد على عصر النصر والفتوحات
تحزن على أحوالنا ثم تأسف=ياليت هذا العصر مثل الذي فات
الحلم يكسر واقعن مابغيته=أحلم ترى الاحلام هي نزهة الذات
لكن تذكر بالنهايه مصيرك=ومافيه حاجه دون موت ونهايات
وانا ابا انهي ماكتبته بجمله=لاتعيش بالدنيا كما واحدن مات

[بدرفهد الجعفري]

الكبير شعرا وقدرا : حمد الوايلي

صح لسانك ودمت مبدعا

لا املك الا تسجيل اعجابي الشديد بما كتبت

[احساس قلم]

حضور رااااقي لشاعر راقي ايضا

صح لسانك ياحمد

[خلف الغريب]

صح لسانك اخوي حمد والحقيقة رحلة جميلة قضيتها معك في طيات هذه القصيدة الجميلة ..

جميل جدا محاسبة الشخص لنفسه والاجمل ان تكون شعرا فلله درك..

تحياتي لك ولجمال حضورك..

[سالم صالح]

الشاعر المميز دائما/ حمد الوايلي

صح السانك وقصيدة رااااائعة بتسلسلها ومحتواها الجميل وكما قال اخي خلف رحلة شعرية راااائعة


تقبل ودي وتقديري

[بدر الخلاوي]

اخوي الغالي حمد الــوايلي صح لسانك واعتلا شانك نص راقي وراقي لي كثيرا
سلمت ودمت على ماقدمت بيض الله وجهك ورحم الله والديك
والله اني استمتعت بقراااائتي لنصك
وتقبل مروري المتوااااضع

[طلال معيض]

تسلم على الطرح الجميل يالوايلي

لاهنت