الصبي وان طاب طيبه من خواله

[سليمان الجعفري]

الصبي وان طاب طيبه من خواله = وان تـردى قيل ابناخ الخايبيـنـي

أشـرب الفنـجـال واكــب البـيـالـة = طـيــبٍ واحـــب سـلــم الطيـبـيـنـي

[السلام عليكم ورحمة الله وبركاته ]
من لا يعرف .. هذين البيتين .. بيتين اشهر من نار على علم ..
قد يجهل البعض قائلهما .. ولكن اكيد سمع بالبيتين من قبل ..
حتى اصبح مضرب مثل يتداوله كثير من الناس ..
قائل هذين البيتين ..
الشاعر / راشد بن حسن بن مانع بن رحيان الضاعني الملقب بــ
( ابن الذيب)
وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..
راشد بن حسن .. كان يشتغل في شركة ارامكوا السعوديه .. وكان يملك سيارة الشركه
( جمس ارامكوا ) ..
وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..
حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..
ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..
جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..
وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..
يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..
قالت له العجوز .. خلاص رح الله يستر عليك يا ولدي ..
انا جالسه هنا انتظر ( ابن الذيب )
هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه
( ابن الذيب ) .. هو نفسه اللي هي تكلمه ..
يوم انصدم ( راشد بن حسن ) بقولها .. وتعجب !!
قال اركبي يا خاله انا ( ابن الذيب ) وابشري بعزك ..
ابوصلك انتي وغنمك ..
وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟
حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..
وصل العجوز إلى منصاها والمكان اللي تبيه ..
.
وقال هــــــــــــــذهـ القصيــــــــــــــده .

قالها ابـن الذيـب مـن هاجـوس بالـه
ـــــــــــــــــــــــــــــــــــ كـلـمـةٍ يـلـعـب بـهــا والـبــال زيـنــي

قـالـهــا يــومــه طــرالــه مـاطـرالــه
ــــــــــــــــــــــــــــــــــــــ مـن هواجـيـسٍ تشـيـب المرضعيـنـي

حالـفٍ مـاخـذ عـلـى الطـرقـي ريـالـه
ــــــــــــــــــــــــــــــــــــــ وبـالـثـلاث مـحــرم أنــــه مايـجـيـنـي

لالقيت اللـي علـى ( السكـه ) الحالـه
ـــــــــــــــــــــــــــــــــــــــ يلـتـفـت ويـقــول ويـــن المستحـيـنـي

أوقـف الموتـر حـيـا وأبــي الجمـالـه
ـــــــــــــــــــــــــــــــــــــــــ يــوم ولــد الــلاش وجـهـه مايلـيـنـي

الطـمـع فــي كــروة الرجـلـي رذالــة
ــــــــــــــــــــــــــــــــــــــــ خــص وان جـابـه مـجـال الغانميـنـي

والــردي فــي حـالـةٍ مـاهـي بـحـالـه
ــــــــــــــــــــــــــــــــــــــــــــ واعـويـنــه مــــن كــــلام الطيـبـيـنـي

الــردي لـــو بـــان مـايـذكـر عـمـالـه
ــــــــــــــــــــــــــــــــــــــــــــ مـايـعـد الـــلاش مـقـصـور اليمـيـنـي

أركـبــه لـعـيـون مـــن زيـــنٍ دلالـــه
ـــــــــــــــــــــــــــــــــــــــــ ماتـحـاكـوا فـــي قـفــاه الرامسـيـنـي

مابـغـى غـيـري وانــا مابـغـى بـدالـه
ــــــــــــــــــــــــــــــــــــــ قـاعــدٍ لـــي بـالـرجـا مـــدة سـنـيـنـي

الصبـي وان طـاب طيبـه مـن خوالـه
ــــــــــــــــــــــــــــــــــــــ بـالـخـوال يـســال قــبــل الـوالـديـنـي

أشـــرب الفـنـجـال واكــــب الـبـيـالـة
ـــــــــــــــــــــــــــــــــــــ تــابــعٍ سـلـمــي ســلــوم الأولـيــنــي

ولاقـعـدنــا بـالـعـمـل بــنــا الــرزالــة
ـــــــــــــــــــــــــــــــــــــــ نـاخــذ العـلـيـا طــريــق الفـايـزيـنـي

غـرنـي بـعـض الـرجـال بكـثـر مـالـه
ــــــــــــــــــــــــــــــــــ مادرى ان المـوت فـي حبـل الوتينـي

كيـف ينفعـنـي وابــا(..........) خـالـه
ــــــــــــــــــــــــــــــــــــــ مايـقـوم البـيـت دام الـسـاس طـيـنـي

مـاش ويـن الـلـي عـوايـده الجمـالـة
ــــــــــــــــــــــــــــــــــــ مثـل ابــن ظـافـر حـمـد ليـتـه يجيـنـي

الـثـنـا والـجــود دايـــم فـــي خـيـالــه
ـــــــــــــــــــــــــــــــــ عـلـمــه ظــافــر ســلــوم الطيـبـيـنـي

جــــوّد الـعـلـيــا ولـزمّــهــا عـيــالــه
ــــــــــــــــــــــــــــــــــــ وادركــوا مــن علمـتـه دنـيـا وديـنـي

واهنـي مـن بـاع حظـه واشتـرى لـه
ـــــــــــــــــــــــــــــــــــ وسار في درب النبي وأخزى اللعيني

مـوقــفــه مــاكـــل رجـــــال يــنــالــه
ــــــــــــــــــــــــــــــــــــــ مــن بـغـى مـمـشـاه يـقـعـد مرتـيـنـي

كـم ذبـح مـن حـايـلٍ مــن حــر مـالـه
ــــــــــــــــــــــــــــــــــــــــ وعـادتـه لطـمـة خـشــوم العايلـيـنـي

و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..
مـــلاحظه / الشاعر راشد بن الذيب هو والد الشاعر المعروف حاليأ محمد ابن الذيب

( مع عدم اعترافي بمبداء هذا المثل )

منقول للفايده مع التحية والتقدير

[احساس قلم]

قصة راقيه وابيات روعه
شكر لنقلك الراقي اخي الكريم
دمت بود دوما

[بدرفهد الجعفري]

مواضيعك دائما مفيده يابو عادل

شكرا لك على هذا الموضوع الجميل جدا

[سليمان الجعفري]

المشاركة الأصلية كتبت بواسطة احساس قلم

قصة راقيه وابيات روعه
شكر لنقلك الراقي اخي الكريم
دمت بود دوما

الاخت الفاضله/ احساس قلم

اهلاوسهلا فيك اسعدني مرورك

الله يعطيك الف عافيه .. لاهنتي

تقبلي تحياتي

[سليمان الجعفري]

المشاركة الأصلية كتبت بواسطة بدرفهد الجعفري

مواضيعك دائما مفيده يابو عادل

شكرا لك على هذا الموضوع الجميل جدا

الاخ العزيز / بدرالجعفري

هلابك يالغالي اسعدني مرورك

الله يعطيك الف عافيه .. لاهنت

تقبل تحياتي

[سالم العنزي]

ابو عادل

شكرا لك

والله اني اعرف بعض هذه الابيات ولا اعرف قصتها ولا تكملتها

الله يبيض وجهك ويجزاك خير لنشر كل ماهو مفيد

[سليمان الجعفري]

المشاركة الأصلية كتبت بواسطة سالم العنزي

ابو عادل

شكرا لك

والله اني اعرف بعض هذه الابيات ولا اعرف قصتها ولا تكملتها

الله يبيض وجهك ويجزاك خير لنشر كل ماهو مفيد

الاخ العزيز / سالم العنزي


هلابك يالغالي اسعدني مرورك كثيراً

الله يعطيك الف عافيه .. لاهنت

تقبل تحياتي