// بــــدون عنــوان // ... " مروبعة المسيكي "

[المسيكي]

السلام عليكم ورحمة الله


مسيتم بالخير جميع ،،،،،،،،،

عسى هالقصيدة تعجبكم ،،،،

دنّوا يارجال حيل ٍ ناحلات =عاديات ٍ والاباهر نابيات
مجوّدات محكّمات معسّفات=يشدن الشاحوف زاعن كالظليم
فيهن المطلوب أبدن هن رجاي=غيرهن لو قلت ماهن في مناي
فوقهن لاشك يرون لي ضماي=للعدود الراهيه آصل سليم
لو غديت وصرت بالحاله وحيد=وصّلني للقريّب والبعيد
ماتوّنا دام زادن بالفديد=والديار نفكّها فك اللحيم
أطوي الديّان طيّ ٍ لي سريع=دامني ركّاب من فوق السليع
شاق قلبي واشتعل فيه الوليع=للديار القاصية قلبي يهيم
مانثنيت ولا عجزت ولابرحت=دام فيه الروح والله ماسترحت
وادمني يارجال بالقلب انجرحت=اتوكل بالولي واسم الرحيم
ارجي المعبود دايم بالصباح=وبالصلاة ليا صُوّت للفلاح
وقبل نومي اذكره عند المراح=الله الخلاق عالم بالكصيم
يالله ارجيك ماغيرك مثيب=تغفر الزلات ياربي تجيب
وتحقق امناي قريّب قريب=شف بالي ديرته يم ........
زاهي الجمال عسلوج المقام=هافي الخصرين جسمه بانقسام
والثنايا بيض كله بالتمام=وعينها والعنق كله شكل ريم
واهني من حازها قبل الممات=ودي بلاماه مصمم بالثبات
من سببها عفت ياناس البنات=همّي الوحيد يبقى لي يحيم
الله َ اكبر يوم شفته بالفلاه=يمشي المجمول يشبه للمهاه
صد عنّي قلت وش اللي دهاه=قرنه للردف ياصل للبريم
جيته والقيت عليه السلام=قلت علمك قال كلّش بالتمام
قلت وش بك قال مالك بالكلام=حبك بالقلب لاتصبح غشيم
قلت عطني الرد مانبغا المزوح=وعطني المردود مالك بالشحوح
قال نبي اليوم من ورى السفوح=انتعدى ثم بدياري نقيم
قلت لو تروح من ورى الطبيق=آصلك مادام قلبي لك عشيق
ولاعلينا من العواذل والنعيق=بالنقا جيناك بالدرب الحشيم
مانسوّي سواة مارج وامهبول=خايب السدّين فعله بالنزول
السفاه سفاه والعقل العقول=وضايم الخوّات حنا له نضيم
ذاك عرفه للسّكار وبالنكور=دقنه المنتوف حطه له بخور
مايعرف ولايشار ولا ويشور=فعله لاشك ماقالوا عظيم
حبه بالكذب وارقام وايميل=عفنن كذوب منكر للجميل
دمعه وان سال كنه مايسيل=يدور الغرّات بالقلب السقيم
مثل اخته حط روجه بالشفاه=وشكله بالوصف اقرب للفتاه
يمشي المذموم يعمه في عماه=وقبله ابوه مع جده عديم
جده بالفعل طيب له وقار=يذكر بالكون من فوق المهار
يدحم للموت لاجاله مسار=عطب المضراب ياتي بالصميم
اسمع ياصاحبي خذ الصمال=جيتك مشتاق مالي بالخمال
مادّعيت الطيب كله بالكمال=انت عارف للقضيه من قديم
شفّي ليا صرت يمك بالربيع=بالفياض المخضره بعال ٍ رفيع
جوها موصوف جوّ لي فضيع=ونارنا مجدوع في وسطه جريم
عرْبها لاشفت كنه كالغمام=منبعث والضو من وسط العدام
غايتي هذيك معها والمرام=الله الخلاق جعله له يديم
حد داري وحد ضلعي والحزوم=ليلنا مقمور نوره بالغيوم
لاتشكّل بالمجرّه والنجوم=نورها سطاع بالليل العتيم
بردها شاخوف توحي له وحيف=لاطف ٍ باللطف كالحب اللطيف
مثل حب ٍ لا وصفته بالعفيف=بيننا هذاك واصل مستديم
ليلنا يروح كله بالمزاح=يذهب السرّاي ياتيه الصباح
وعقبها ماغير أنا والمراح=يمي ماشفت خلّ ٍ لي حميم
قمت واستقطعت خلي من بعيد=اثره المجمول مرقب بالوعيد
وقذلته مع الهوا قامت تعيد=برجمه يشف هبوب النسيم
جيته وارقبت برجمه والطخاه=حولنا بالوصف كنه من وراه
وبعدها اللي صار أمر ٍ منتهاه=يعلمه علاّم وحده هو عليم

فهد عبدالعزيز السبيعي العنزي

[هزاع الساري]

والله شاعر




صح لسانك يا المسيكي

ولاهنت يا بعدي على هذا الابداع


لك ودي وتقديري

ابنـــــــــــــاخيك

هزاع الساري

[أحمد السبيعي]

اشكر حروف ابداعك وصح لسانك مليون

يالله ارجـيــك مـاغـيـرك مـثـيـب
تغـفـر الــزلات يـاربــي تـجـيـب
وتحـقـق امـنـاي قـريّـب قـريــب
شــف بـالـي ديـرتـه يـــم ........ ((وش المفروض مكان النقط ..؟ لا يكون القصيم ))




تقبل تحيتي يا مبدع

[محمد الدلماني]

السفـاه سـفـاه والعـقـل العـقـول
وضايـم الخـوّات حنـا لـه نضيـم

ذاك عـرفـه للسّـكـار وبالـنـكـور
دقنـه المنتـوف حطـه لـه بخـور
مايعـرف ولايـشـار ولا ويـشـور
فعـلـه لاشـــك مـاقـالـوا عـظـيـم

حـبـه بالـكـذب وارقــام وايمـيـل
عفـنـن كــذوب منـكـر للجـمـيـل
دمعـه وان ســال كـنـه مايسـيـل
يـدور الـغـرّات بالقـلـب السقـيـم




مثـل اختـه حـط روجـه بالشفـاه
وشكلـه بالوصـف اقـرب للفـتـاه



صح لسان على هالابيات الرائعه


لاهنت

[المسيكي]

صح بدنك اخوي الساري

اعتز بشهادتك يالقرم


تشرفت بمرورك


تقبل فائق احترامي

[المسيكي]

هلا والله باحمد السبيعي





صح بدنك يالقرم ،،،،،،

تشرفنا بمرورك ......





تصدق ان مكان الحروف


اللي قلته صحيح.....
























انه خطا ولانت حوله



ماظنتي تعرفه لو قلت لك اسمه ،،

[خليف بن موعد]

اكيد انها تعجبني
يكفي انها من ابداع
المسيــــكي
صح لسانك


لك التحيه