قال البجيدي ,, إلى الصديق خلف الغريّب !

[بندر البجيدي]

قال البجيدي والبجيـدي مايقـول=إلاّ الجزالـه والقوافـي شاهـره
سبحان من خلقه تزول ومايـزول=وأغلب عباده بالدعاء له ساهـره
الحق يزعل بس كرهـي للزعـول=اللي كتم صدقه ولا هـو جاهـره
كلّن يرى القول الحقيقي في نزول=والناس معظمها تجاهـه ناهـره
بعض الرجال يسب أصحاب الميول=لاكنّ في صدره يعكْـس لظاهـره
يقول قول ينرفـز كبـار العقـول=ويرسم حوادث من خياله ماهـره
روس المراجل ماهي بحال الذيول=والديّنه ماهـي بحـال العاهـره
واليا تضايق خاطري سقت الذلول=أنصى الذي بيت الكرام مْصاهـره
خلف خلف شيّال عسرات الحمول=نسل المكارم والمكـارم طاهـره
اللي ليا منّه بغـى شـيٍّ يطـول=حتى القصيده من ذكر بَه زاهـره
عز الخوي لامنّ خانتـه الحلـول=وشوق الهنوف اللي وصوفه باهره
معْه المشاعر قامت تصول وتجول=بالصدر سوّت زعزعه ومْظاهـره
وعبّر بها بنـدر وبنـدر مايقـول=إلا الجزالـه والقوافـي شاهـره

بندر البجيدي

[سالم صالح]

الشاعر الرائع / بندر االبجيدي


صح السانك على هالرااااائعة وكفوا يابندر ابدعت وعزالله انك اليا ضقت تبي تلقى جبل وابو خالد شامخ ماتهزه الرياح عز الصديق وعز الخوي


تقبل تقديري وصح السانك ملياااااااااار

[طلال معيض]

بندر البجيدي

كفو والله جبل ومرتكي جبل

صح لسانك

[نادر بن دوشان]

,

الله الله الله . . .

وعبّر بها بنـدر وبنـدر مايقـول
إلا الجزالـه والقوافـي شـاهـره

والله انك ما قلت غير الصحيح . . .

جزل يا بندر , وصح لسانك , قصيده متميزه من شاعر متميز . . .

وخلف الغريب يستاهل كل خير ,

تحياتي

,

[غموض الشمال]

أخي الشاعر/بندر البجيدي

ابيااااااااااااااات قمه في الروعه

صح لسانك واعتلاشانك

قصيده جزله من شاعر جزل

لاهنت على هالابداع

تقديري لك

[خلف الغريب]

اخي العزيز وصديقي الوفي بندر البجيدي..

الف صح لسانك بداية على جزيل ما كتبت والحقيقة انني اتشرف بهذا الاسناد الجميل واعتبر ابياتك وسام على الصدر ...

ثقة الطيبين مثلك مكسب كبير للشخص واتمنى ان اكون على قدر هذه الثقة ان شاء الله ..

لي عودة شعرية قريبا بحول الله مع انني ارى ان قافية الشطر الآخر قد انتهت تقريبا لكن لا بأس في مجارة القصيدة بقافية قريبة فالتكرار لا يخدم القصيدتين ..

تحياتي لك ..

[سالم العنزي]

اهلا وسهلا بالشاعر والباحث بندر البجيدي

الله يحييك وسررنا كثيرا بعودتك الي شبكة ويلان العربيه واسنادك الي الشاعر الكبير خلف الغريب

صح لسانك