احيان بالحكمة تفوز المجانين - °~*¤®§(§ شبـــكة ويــلان العـربـيـه §)§®¤*~ˆ°

**معيض بن عريفج** · 15/06/10, (03:04 PM)

من صار شين اخلاق ماينفع الزين = لوزان خده والمحاجر وسيعه
انا اشهد ان شين الطبايع هو الشين = مهما تحاول فيه ماتستطيعه
لو يتصنع لك بالاخلاق يومين = بعده يبين الوضع على الطبيعه
لو الدواء يوجد لداء الرديين = كل(ن)بذل جهد ه يعالج صديعه
تروح لويذكر علاجه ورى الصين = وتشريه لوبشتك وثوبك تبيعه
لكن ذي دبرة اله الثقلين = ولله في خلقه شئون وشريعه
احيان بالحكمه تفوز المجانين = ومثل ماقالو الرجاء ولا القطيعه
وجنب الخبول مجنن العقل صاحين = وبعد ضياع الخبل مافيه ضيعه
ليل(ن)بظلماته تضيع العناوين = ويالله دخيلك عن حياة الهزيعه
وان كان مال الشخص مبدى ولادين = ياعل عمره يقتضي به وديعه
ولاني وكيل ادم بالادنى والاقصين = وفجوج الارض الله خلقها وسيعه

**أبو غرام** · 15/06/10, (03:22 PM)

وانا اشهد انك مميز وشاعر جميل اخي معيض
فصح لسانك وبوحك على هذه الدرر

نص جميل لابعد مدى

ودي وتقديري اخي

**محمد بن موسى** · 15/06/10, (04:39 PM)

يامعيض واللي صور الزين والشين= يا ابياتك انها تعبر لي وديعه
شيً من الحكمه وشيً من الدين= وتجمع المنطق وحكم الشريعه

الشاعر الكبير // معيض بن عريفج

صح السانك مدد بلا عدد

وبيض الله وجهك وجمل الله حالك على هالنص الشامخ

نص رائع بكل مافيه من معاني وابعاد

جمع الحكمه والمنطق ومفهوم الشاعر فيما يتماشى مع احكام الشريعه

لله درك اخي الكريم

تقبل مروري واعجابي بما قرأت

**بدرفهد الجعفري** · 15/06/10, (05:52 PM)

من صار شين اخـلاق ماينفـع الزيـن == لـــوزان خـــده والمـحـاجـر وسـيـعـه
انا اشهد ان شين الطبايع هو الشين == مـهـمـا تــحــاول فــيــه ماتستـطـيـعـه

الشاعر القدير معيض بن عريفج

صح لسانك على هذه القصيده التي تحمل جزالة المعنى وجمال الالفاظ

تقبل مروري واعجابي بما تكتب

**سالم صالح** · 15/06/10, (06:04 PM)

الشاعر المبدع دوماً

معيض بن عريفج

صح السانك وفكرك قصيدة راائعة وفيها معاني وحكم مميزة وشاعرية غير عادية واسلوب مميز وسلس

لله درك دائما تكتب بجزالة عالية

الحقيقة استمتعت بقراءة هذة الشامخة

تقبل ودي وتقديري

**عاشق المعالي** · 15/06/10, (06:06 PM)

صح لسانك يامعيض فقد ابدعت بما نسجت

تقبل مروري المتواضع

**عايش الجويعان** · 16/06/10, (12:25 AM)

بسم الله الرحمن الرحيم

صح السانك شاعر بمعنى الكلمه 0

وتقبل تحياتي وتقديري 000