ينام منهو مايعرف الهمومي = وعيني اليا ناموا حريب لها النوم

[سليمان الجعفري]

السلام عليكم ورحمة الله وبركاته

قصيده الشاعر الأمير / محمد الأحمد السديري.. رحمة الله عليه

رااااقت لي

ينام منهو مايعرف الهمومي = وعيني اليا ناموا حريب لها النوم
الله يلوم اللي لحالي يلومي =لا ساهرن سهري ولاهو بمهوم
ماهو بمثلي يزعجه كل يومي = همن يلوج بداخل الصدر مكتوم
لامبدين أسرار قلبي لقومي = واللي بسر الغيب ماهو بمفهوم
أخاف أبوح السر تبدأ الثلومي = وتاقف على مكنون سري هل اللوم
عاهدت قلبي ما يبوح العلومي = ولايويق بغايته كل مذموم
بالليل أساهر ساريات النجومي = والصبح أعدى بالنبا كل مزموم
اوجس بقلبي مثل حر السمومي = ولا صفالي خاين الدهر لو يوم
يا سيف قم لعل حظك يقومي = ولعل ابوك بساعه الحشر مرحوم
النار شبه ياقوي العزومي = وهات الدلال وترك النوم لرخوم
خابرك بالطيب ودود ورحرمي = قم سو مايبعد عنا كل شغموم
فنجال بن مايحضره رخومي = مبهرن مابين الاجواد مقسوم
ارواحنا بافلاك الايام تومي = مهما يطول العمر فالاجل محتوم
روحي بيد فارض صلاتي وصومي = اللي بحبل اليسر ينجي لمضيوم
الواحد اللي نطلبه كل يومي = منجين يوسف وهو قبل مظلوم
دنيا الشقايا يا سيف ماهي تدومي = كم واحدن فيها مشيحن ومنجوم
وافراح اليا قالوا تقافت غيومي = على شفا الباطن وهو قبل ماسوم
حيثه مرب لكل وضحا ردومي = اللي بها زودن على الطوق برشوم
عسا تعله مرهشات الوسومي = يمطر عليها الوبل يومن بعد يوم
عشبه يغطي نايفات الحزومي = فيه الزهر فوق الزماليق منضوم
مخالف النوار غادي سهومي = والعشب من وبل المراهيش كيهوم
فيه ام سالم من طربها تعومي = تلفح بسمح الريش في كل مرجوم
من الطرب في كل روض تحومي = وتقضي الدنيا زغاريت وسجوم
ان شافت النوار نبته يزومي = ما سايلت عن حال معطي ومحروم

[بدرفهد الجعفري]

الله يرحمه فهو مدرسه شعريه

شكرا يابو عادل على هذا الاختيار المميز .

[أبو غرام]

دائما مميز يابو عادل

وشكرا لك على حسن الاختيار

[سالم صالح]

الله يرحم الشاعر الكبير / محمد الاحمد السديري


مدرسة شعرية وبحر من الشاعرية والفكر النير


شكراً ابو عادل على هذا النقل المميز والشامخ

[هيـاا العـازمـي]

.
.

الله الله الله

محمد الأحمد السديري

قامة شعرية لن تتغير على مر العصور

رحمة الله عليه وأسكنه فسيح جناته

.
.

الفاضل .. مشرفنا .. سليمان الجعفري

وعليكَ السلام ورحمة الله وبركاته

أُهنيك على روعة الذائقة لديك

ماشاء الله تبارك الله

تدهشني ويبهرني حضورك واختياراتك دائما

راقي وجزل

تقديري

هيـــاااا

[سليمان الجعفري]

المشاركة الأصلية كتبت بواسطة بدرفهد الجعفري

الله يرحمه فهو مدرسه شعريه

شكرا يابو عادل على هذا الاختيار المميز .

بدر فهد الجعفري

اهلا وسهلا فيك ياالغالي مرورك اسعدني كثيراً

الله يعطيك الف عافيه ياابن العم .. لاهنت

لك اجمل التحايا والاحترام

[سليمان الجعفري]

المشاركة الأصلية كتبت بواسطة جائز المليحان

دائما مميز يابو عادل

وشكرا لك على حسن الاختيار

جائز المليحان

اهلا وسهلا فيك ياالغالي مرورك اسعدني كثيراً

الله يعطيك الف عافيه ياابن العم .. لاهنت

لك اجمل التحايا والاحترام