يأهل العقـــــــول اللبيبه يالفهام منهو اللي يامـــــــن بعهود الكـــــذوب

[خليف بن موعد]

اتمنى ان تنال على اعجابكـــم واستحسانكـــم

مل عيناً كـــــل ماوت للمنــــام=
= دك هاجوســـــــــــي من الوقت اللعوب
نوب يعطيك الرضا والأبتسـام=
=ونوب يقفـــــــي عنك وغــدار ولسوب
يأهل العقـــــــول اللبيبه يالفهام=
=منهو اللي يامـــــــن بعهود الكـــــذوب
كل غصنٍ غض يقفاه الصـرام=
=انظر نبت القـــــــاع تــــــذراه الهبوب
أن بغيت أقول ياكثر الكـــــلام=
=وأن بغيت اسكت ماني عليه مغصوب
لكن ليه بالمثـــــل قصد ومرام=
=تـــــــرى الدنيا شبهوها بالخنـــــــوب
شفت ناسٍ لها باللهو أنسجـــام=
=والمواعـــــــض لو تسمعهـــا ماتتوب
ومن مافرق بالحلال وبالحرام=
=وشو عذره اليا انتهت شمس الغروب
ويله كل الويل اليا شد الحـزام=
=لاصديــــق ولامجيـــب ولامحبــوب
وانفرد فــــي مسكناً سد وهدام=
=مغمض العينين والراس معصــــوب
وين ابوك ويـــن جدك والعمام=
=وين شيوخاً لها تقديــــــر ووجـــوب
اعتبر بأذكارها مثـــــل الحلام=
=وأنتبه ترى أجلك باللــــوح محسوب
يامتلذذ بالمشــــــارب والطعام=
= الجبل لو ينقـــــــل ماشلته يـــــذوب
يالله عفوك ياكريماً مايضــام=
= ياعظيم الشأن يالرب الرحــــوب
لك نمد كفوفنا جوف الظـلام =
=عبدك المسكين خاف من الذنوب
وأختمها للنبي بازكى السلام=
=ومن يتوب الله على عبده يتــوب

لوالدي حفظــــه الله

[عبدالله الثابت]

اخوي خليف


لي الشرف ان اكون اول من رد على هالقصيده الجميله



صح لسانك


وتقبل تحياتي

[حمود نايف الهذيل]

الا خ خليف
جزل وماتجيب الا جزل يا البناخي
وصح لسانك ولسان ابو حسين0.00
والدك باالنسبه لي اعتبره قدوه بالشعر ومكارم الاخلاق

اسلم وسلملي على ابوك يا خليف.....الشاعر اللي يعطي الشعر معناه

>>>>>>>>>>>>>>>>تحياتي>>>>>>>>>>>>>>

[مضحي عايد الشبر]

خليف بن موعد

تسلم يمينك على ايراد هذه القصيدة الطيبة

وصح لسااان والدك


تقبل كل التقدير

[خليف بن موعد]

عبدالله الثابت
وانا لي الشرف
بمروركم الكريم



لك مني اجمل
التحايـــــــــا

[هزاع الساري]

صح لسانك يا اخوي خليف بن موعد



قصيدة جميلة جداً

تشكر على كتابتها هنا

[خليف بن موعد]

الشاعر / حمود نايف
اشكر لكم مروركم واطرائكم الجميل
تسلم ويسلم ابن هذيل نايف 000 اللي حاش المرجله بكف بيمناه


ولك مني التقدير ولاحترام