** كـــــلك جــــــــــروح **

[سالم صالح]

ذائقتكم الراائعة والمميزة تجبر اي شاعر وكاتب على المحاولة لا رضائها ولو بالشيء البسيط

فامامكم هذه المتواضعة التي اتمنى ان ترضي بعضاً من ذوقكم الرفيع والشعري

كلك جروح وعادتك بس تجرح = قلبي وانا اللي فارشه لك بساتين
كم شلت عنك الهم واليوم تذبح = جازيت طيبي من يمينك سكاكين
ياللي غلاك من اولاً كان يفضح = يبين في وجهي خيوطه براهين
اضيع من وقتي على شان تفرح = مع السهر واحلام ضحك المحبين
واناجي احساسي مع الليل يشرح = عن حبك اللي في قصيدي دواوين
واقول ياقلبي ترى حبنا اصبح = نسمه على انفاس الصباح ورياحين
لكن خلاص الحين مع همك اكدح = ماعدت تعنيني ولا رفت العين
شبيت نار الغدر بالصدر تلفح = تحرق معاليقي وسوت بها الشين
واظلم نهاري من فعايلك واكلح = ونفسي تشوم وخاطري عارفه زين
انا بقلبي خيل والخيل تجمح = عن الردى وتعاف درب الغدورين
واسمع صهيلٍ بين الاضلاع يصدح = فحواه خيل العز تهوى العزيزين
والا انت حبك من غدير الغلا شح = شديت عنه وسقت هجني مصدين
تركت دارٍ عج الايام تسرح = فيها ومن حسرتك تصْفق بكفين
وحيد ناس ونازف الجرح يطفح = ماراح تلقى من يشيلك بيدين
ودمح الخطا سلمي وبالراس يقدح = بيتٍ ويعطي لك دروس وقوانين
طرد السراب يتعب اللي ابيطمح = والنجم يهدي من عن الدرب غادين
سكرت بابي دون جرحي ابصفح = وابطوي الماضي على هامش سنين

وســـــــلامتكم ,,,,,,,,,,

[خلف الغريب]

الغالي ابو دانة ..

وقصيدة فعلا ترضي الذائقة بجمالها وشاعريتها ..

الف صح لسانك والحقيقة قصيدة لا يكاد يخلو بيت منها من الشاعرية وهذا سر جمال وقوة لا يتمكن منه الكثيرون ..


واناجي احساسي مع الليل يشـرح
عن حبك اللي في قصيدي دواوين
واقول ياقلبي ترى حبنـا اصبـح
نسمه على انفاس الصباح ورياحين



الف تحية لهذا الجمال يا ابو دانة ..

[احساس قلم]

انا بقلبي خيـل والخيـل تجمـح
عن الردى وتعاف درب الغدورين
واسمع صهيلٍ بين الاضلاع يصدح
فحواه خيل العز تهوى العزيزيـن
والا انت حبك من غدير الغلا شح
شديت عنه وسقت هجني مصديـن
\\,,.....
في كثيرا من الاحيان نجد انفسنا مظطرين نتخذ قرار قاسي
ولكن لابد من اتخاذه
ابودانه ابدعت هنا
جرح وفراق وكبرياء وعزة
حب وتضحيه وبالمقابل جحود ونكران
ماذا اقول
فقط صح لسانكـ تريليييون ولا يكفون

[طلال معيض]

صح لسانك
مبدع ولاشك

الله لايهينك

دمت بود

[ماجد الغانم]

الغااالي

سالم الصالح

هنا ينهمر الأحساس.... ويندمج الأبداع والجزالة ليشكلوا لنا هذا النص المذهل

لله ردك ...ولافض فوك

ابدااع يفوق الوصف ابو دانه ....

صح لساااانك ....ولاهنت

ودمت بكل خير ...,دام هذا التميز

[أبو غرام]

الله عليك الله يابو دانه

مبدع وعادتك الابداع والتفنن
نص راقي من راقي

ولاغبت جبت طال عمرك

صح لسانك حتى ترضى ولا يسدون

[سالم العنزي]

الجزل دائما بشعره واخلاقه سالم صالح

صح لسانك على هذه القصيده الممتعه

تقبل مروري المتواضع