الله لوجف النهر والبحر الاحمر جف ماه

[طلال معيض]

اليكم ويلان الشموخ

تدرين لوجف النهر والبحر الاحمر جف ماه=وشح الكريم بمدته مثل البخيل بمدته
والحب حطوه بكفن ماعاد له قدر وجاه=والكره لو كل البشر على المحبه بدته
انتي غلاك بداخلي والشعر ماشح بعطاه=لو كل ماقلته يصير بذمتي ماردته
ياروح تسكن خافقي ياحلى وجود بهالحياه=اشوف قلبي من غصن اثمر وصرتي وردته
لاصار صدرك لي بلد وانا ولد واعشق ثراه=عمرك سمعتي في ولد ينسى محبة بلدته
كل ن من ابناء جلدته به غيرة تطفي ضياه=ولاعرفت انك قمر في طلته ومودته
حتى اكتشفت ان القمر غاير وهو باعلى سماه=وشلون الومه والقمر وانتي من ابناء جلدته
ياكبر من الستر الكبير اللي تغطيه العباه=يانظر من السيف الشطير اللي تقطع حدته
ياحكمة الشيخ الجليل اللي تقديه العصاه=ياضحكة ن لا شافها اللي ضاق باله هدته
ياحلى من الشعر الجزيل اللي يعدون الرواه=ياعذب من ورورد الندى واصلا نداك بندته
ليا مشيتي بالزهر والنحله تدور بحماه=خلت رهرها والرحيق بشفتينك ودته
اكد لعيونك تعب واشد من ازري تجاه=كل المصاعب كلها صاحبك عايش شدته
وغير يكد لصاحبه ضاع بغلاه ولا لقاه=ماهي خساره ضيعته بس الخساره كدته
والا انا وانتي ترا كل مساء الثاني مساه=الحب جمعنا كذا والكره نلعن جدته
ماكنت احس اني غني وانا احسب المال الغناه=يالين ماشفت الثري وجهه يضيق بوحدته
ياليل لاجيت اسهرك لاعاد تنشدني وراه=الزين بعيوني رقد وانا سهير لرقدته
يا لله لامنه سجد عبدك يكون اقرب دعاه=لانك تكون اقرب لعبدك لادعاك بسجدته
وانا دعيتك تحفظ اللي مادخل عيني سواه=لارسلت عفوك يشمله لارسلت ضيقه عدته
هذيك لو جف النهر والبحر الاحمر جف ماه =ماجف بالصدر الغلا من مد يلقى مدته

طلال بن معيض

[ماجد الغانم]

الله ..الله ..الله

عليــــــــــــــــــــكــــــ

طلال معيض

حضور مبهر ونص عذب واحساس صادق ينسكب هنا

صح لسااانك ..,ولاهنت

دمت بكل خير ...ودام هذا التميز

تقبل جل تقديري واحترامي

[أبو غرام]

نص جميل شاعرنا طلال بن معيض

صح لسانك عليه

[سالم صالح]

الله اكبر على هذة الشاعرية العذبة


طلال معيض


صح الساانك ملياار على هذة القصيدة الفريدة والتي تحمل قلائد من ذهب في كل بيت من ابياتها

تصاوير جميلة ومميزة وفيها من العذوبة الشيء الكثير



لله درك على هذا النص الجزل

ياروح تسكن خافقي ياحلى وجـود بهالحيـاه
اشوف قلبي من غصن اثمر وصرتي وردتـه
لاصار صدرك لي بلد وانا ولد واعشق ثـراه
عمرك سمعتي في ولد ينسـى محبـة بلدتـه



تقبل تقديري وودي

[سلامة الجعفري]

لاصـار صــدرك لــي بـلـد وانــا ولــد واعـشـق ثــراه

عـمــرك سمـعـتـي فـــي ولــــد يـنـســى مـحـبــة بـلـدتــه

كـل ن مـن ابنـاء جلدتـه بــه غـيـرة تطـفـي ضـيـاه

ولاعـــرفــــت انـــــــك قـــمــــر فــــــــي طــلـــتـــه ومــــودتــــه

حتى اكتشفت ان القمر غاير وهو باعلى سمـاه

وشـلـون الـومـه والـقـمـر وانـتــي مـــن ابـنــاء جـلـدتـه

صح لسانك ملاييييييييين ابيات شامخة

لااجد من الكلمات مايسعفني في التعبير عن اعجابي

والحقيقة ان المرور على هذه الجميلة ينبغي ان لايكون مثل اي مرور

[تركي صالح]

طلال معيض

الله عليك وعلى هذا الابداع

الغير مستغرب من شاعر بشاعريتك

قصيده تحمل القوه والجزاله

صح لسانك وعلا شانك

وتقبل خالص التحايا

[سليمان مفضي العنزي]

رائع ياطلال

نص اعجبني وحبيت اسجل حضوري به

صح لسانك