معك ما الله موفقني؟؟ - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 19/05/10, (02:01 AM)

الدمعه اللي تعذبني وتفضحني=ياليتني عن عيون الناس مخفيها
ماكنت ابي احد يلمحها ويفهمني=ولايعرف وش مضايق عين راعيها
ياللي دموعي على شوفتك تسبقني=عشرتك ماني عقب فرقاك ناسيها
ياكثر تطري على بالي وتسعدني=وياكثر ما ابكي على الفرقا وطاريها
والله محدٍ عن اغيابك معوضني=العين عيت تخلي من سكن فيها
والوحده اللي من فراقك تحاصرني=يشهد علي خالقي ماني بقاويها
من يوم ربي كتب تبعد وتتركني=والنفس ماعاد اواطنها وادانيها
انت اول انسان في حبه تملكني=واغلا من اقصى البشر عندي ودانيها
من جيت احس الزمن وده يفرحني=ومن غبت احس يقصد احزاني يعنيها
لوكنت داري معك ما الله موفقني=لاكنت قبل اخذ جروحي معنيها
اذكرك وابكي على حظٍ معا ندني=وارد واضحك على نفسي واسليها
من كثر ما ضرني بعدك وجنني=الناس ماقمت اناديها بساميها
تدري بعد صدتك وشهو مخوفني=حاجه لها مده بصدري احاتيها
هل زلت تذكر محبتنا وتذكرني=ولا مثل ما مجافيني مجافيها

مما راق لي