درب الزيــــــن

[نافع عيد الجديد]

يسرني ان اهديكم هذه الابيات المتواضعه (من الارشيف) عسى ان تنال اعجابكم

يالربع رجلي لدرب الزين تباعه=وردها مارعيت لاتطاوعني
تمشي بدربه وانا اللي اشكي اوجاعه=ياليت يوم اشكي الاوجاع تسمعني
النفس والحال من سبته ملتاعه=ولاهوبداري بحالي يوم لوعني
سهران ليلي وكل الخلق هجاعه=لاناموا الناس جاء نومي وودعني
من سبة اللي غرامه شيد اشراعه=وسط الظماير ولايمكن يراجعني
مابين الاظلاع مسكانه ومرباعه=لاشك ماحد يشوفه لو يشوعني
راحت حياتي وانا له سمع وطاعه=يامر وينهي وانا قانع ومقنعني
قلبي يطيعه قبل لاتشر اصباعه=وانا اطلبه بس شوفه ثم يمنعني
حبه فوايد وشوفه عندي اطماعه=مير البلا يوم عيا لايطمعني

[سعود المسعودي]

صح الله لسانك يابوعيد وتعلا شاانك

جزله وانت جزل

تقبل تحياتي وتقديري

[فواز الشبيكان]

ابو عيد صح لسانك ملايين
لاهنت

[نايف الهبداني]

لاهنت يابو عيد ع القصيده

كلمات في قمه الروووووعهـ

اخووك نايف الهبداني

[بدرفهد الجعفري]

قديم والا جديد يابو عيد

المهم انه مميز كالعاده وقديمك كالذهب الذي لايصداء

صح لسانك وتقبل مروري

[ناصرالسويلم]

الشاعر المبدع نافع الجديد

دايم قصيدك ولوكان من الارشيف ممتع

وجزل جمل الله حالك


مودتي لك

[شاعر البيتين]

رائعه كما تعودنا منك

شاعرنا الجزل

لاعدمناااك
.
.
.
.
شاعر البيتين