اللي تغار الشمس من حسنه ويغتاظ القمر - °~*¤®§(§ شبـــكة ويــلان العـربـيـه §)§®¤*~ˆ°

**أحمد العواد** · 09/03/10, (01:36 PM)

اللي تغار الشمس من حسنه ويغتاظ القمر=بالله وش وده يكون الا انه اآية بالجمال
اليا طلع للشمس كن الشمس غابت من قهر=واليا طلع بالليل للقمرا تنادي له تعال
تقوله اجلس مكاني ودي اشبع بك سهر=ودي معاك اسهر طرب بين الحقيقة والخيال
حتى مرايتها غيورة كنها ذابت سحر=بعيونها الثنتين والخدين والسحر الحلال
عذروبها انه كل ما هب الهوى مال الخصر=ان ميله ريح الجنوب يعانقه ريح الشمال
والعنق عنق الريم والمبسم به الموت الحمر=كأنها جمرة غضى تزيد بالزين اشتعال
حتى الشعر كنه يقبلها على الخد انتثر=كأنه خيوط الذهب يومه على الخدين مال
وان كان سوت به كذا بكفوفها ذاب الشعر=بين الاصابع مرتبك بين الاجابة والسؤال
وان كان مرت بالزهر ميل على بعض الزهر=كأن كل الورد منها ينتظر كلمة تعال
والجمرتين اللي خذن قلبي وغادر من عصر=مع الهنوف ام الحلا وام الحسن وام الدلال
يا ويل قلبي كان مر الوقت واقفى بالعمر=وانا اتمنى وانتظر منها ولو لحظة وصال
بالمختصر بقولها واقولها بالمختصر=متميزه عن غيرها والله فرقها بالجمال
لو حطت يديها كذا في غبة البحر الحمر=يرجع مذاقه عذب بعد الملح ماء عذبٍ زلال
ابداع رباني ماهي صورة تخيلها بشر=صعبة تخيل حسنها العذري ماهي صعبة محال

**سعود المسعودي** · 09/03/10, (01:45 PM)

صح الله لسانك يا احمد

وبيض الله وجهك جزله وانت جزل

دمت بكل خير

**نايف الشبيعان** · 09/03/10, (05:53 PM)

أحمد العواد مع إنّي غير مهتم أو متذوق لشعر الغزل بس القصيدة هذي غير

صح السانك اخوي احمد ويعطيك العافيه

تقبل تحياتي وفائق احترامي

**سعد بن هندي** · 09/03/10, (07:48 PM)

الشاعر القدير احمد العواد

صح لسانك وعلا شانك

تقبل مروري المتواضع

**شجاع النومسي** · 09/03/10, (08:58 PM)

الشاعر\\ احمد العواد \\

صح لسانك إلين ترضا

قصيدة جزلة من رأس جزل بالمعاني

تقبل جل تقديري واحترامي

**حمد الخمعلي** · 09/03/10, (09:13 PM)

الاخ احمد العواااد
اهلاً بعودتك الينا ونحن شووق لقلمك الرااائع وشعرك العذب

لو حطت ايديها كذا في غبت البحر الحمر
000000يرجع مذاقه عذب بعد الملح ناء عذبٍ زلال

صوره جمااليه في هذا البيت اعطت القصيده عذووبه اكثر0

كُن بخير

**أحمد العواد** · 11/03/10, (03:30 AM)

اخوي سعود المسعودي

صح بدنك ووجهك ابيض يابعدي

لا هنت على مرورك الكريم

تحيتي لك