مهره لخيـــال!!

[غموض الشمال]

ياخال لاتنشد عن الحال ياخال=حالي رديه وانت عندك خبرها
ماتنفع الشكوى ولاتفيد الاقوال=الياس حل بدنيتي واحتكرها
هم(ن)بقلبي مايشيل انه جبال=خيم على قلبي وحالي دمرها
من أول(ن) ليه طموحات وآمال=مدري عن الدنيا وخافي قدرها
وحلم(ن) بسيط أكون مهره لخيال=نفسي تحبه ماحد(ن) له جبرها
حنون متواضع رومنسي ورجال=بالطيب يملكني وروحي أسرها
به افتخر لامن ذكر طيب الافعال=مواقفه بالطيب محد(ن)حصرها
رجل(ن) إذا جار الزمن ليه اظلال=اعيش في ظله ونقطف ثمرها
وخابت حلومي كلها شهر شوال=دفنتها تسعة عشر من شهرها
ومن عقب ماني مظرب لكل الأمثال=وكلن يقول الحظ يمشي بـ اثرها
وأمي تنبأ لي بمستقبل(ن) عال=(هدية السلطان بنتي مهرها)
صارت حياتي كلها بكف طبال =من وين ماوده حياتي حدرها
تمضيبي الدنيا على مسايس الحال=وحظي من الدنيا هموم وكدرها
عمار يوم أكبر طموحاتي ريال=ماتهت بالدنيا وغبة بحرها
طفله ويغريني الزهر كل ما مال=ولاعرف هم القلوب وسهرها

[حمد الخمعلي]

اهلاً بالعذووبه

اهلاً بالمشااعر الطيفه

اهلاً بهذا العزف السحري والاوتاار الحزينه المؤلمه0

وأمي تنبأ لي بمستقبـل(ن) عـال
000000(هدية السلطـان بنتـي مهرهـا)


هنا جماال لا يوصف بهذا البيت وصوره شعريه عالية الجوده0





عمار يوم أكبر طموحاتـي ريـال
00000ماتهـت بالدنيـا وغبـة بحرهـا

هناا التمنى بعوودة الطفووله0

الاخت غموووض

الطفوله لن تعوود لناا0

الا بالذكريات والخياال0


الله يبدل لك الحظ بأفضل من كذااا0

صح قلبك وسلم راااسك

اتشرف بأن أكوون اول من يصااافح قلمك بهذا النص0

تقبلي ردي المتواضع على هذه الشاامخه بشمووخ غموووض0

كُوني بخير

[حمد الوايلي]

الاخت غموض الشمال
صح السانك الف صح السانك
ففي هذا النص كنتي وضوح الشمال
عزف على اوتار الهم له نغمه تكسر مجاديف المتأملين بالحياه اتمنى ان لاتتوقفي على هذا العزف وانما نريد منك عزف على الحان الفرح والابتسامه والامل والوقوف امام حواجز الحياه الصعبه تعطي من حطمته الحياه معنوية الرجوع اليها
تقبلي فائق احترامي وتقديري

[أبو غرام]

في البدايه

أسأل الله أن يقر عينك ويسعدك دنيا وآخره

وأن يحقق لكي أمانيك ماتقدم منها وما تأخر

ثانيا

الف الف الف الف صح لسانك على ترجمة ما بداخلك في هذا
القالب الشعري

والذي تعدى كلمة محبوك ومرصع بالجمال

لله دركي اختاه .. واسعد الله حالك وأقرها بما يرضيك

تمضي بي الدنيا على مسايس الحال=وحظي من الدنيا هموم وكدرها
عمار يوم اكبر طموحاتي ريال=ماتهت بالدنيا وغبة بحرها
طفله ويغريني الزهر كل ما مال=ولاعرف هم القلوب وسهرها

ابعد الله الهموم عن كل مسلم

[بدرفهد الجعفري]

ما اجمل الحروف حينما تصيغها غموض الشمال في معزوفه شعريه

ملئيه بكل مايطرب السامع ويمتعه

صح لسانك

[اميرة الحرف]

طفله ويغريني الزهر كل ما مـال
..............ولاعرف هـم القلـوب وسهرهـا

وستبقين انشاء الله بدون هموووم مادمتي تحملين هذا القلب الطاهر ومادمتي بهذه الأحلام

صح لسااانك غاليتي ودمتي طيبه وبأفضل حاال

[هندي المقبل]

غموض الشمال

شاعره وضعت لنفسها مكانا مرموقا ومميزا

ولاغريب ان تأتي بهذا الشعر الجميل


لا املك الا ان اقول لك صح لسانك وتقبلي اعجابي الشديد