من ماطرا في خاطري.....

[حمد الوايلي]

من مابدا في خاطري غصب غنيت=والقاف أغلى قاف يطري افبالي
العاطفه جتني على غير توقيت=والناس بين الناس مبغض وغالي
ضامي غلى مستعجلن ماتوريت=وماني مع الأيام ناسي وسالي
طاير سما وابغا من الأرض تثبيت=ياالله سترك من ظروف الليالي
ماأذكر باني في غلايه تسليت=وطبع الخيانه مادخل في مجالي
لاني على نبل المكارم تربيت=ولاني شربت العاطفه من زلالي
ياصاحبي يلي ببعدك تعنيت=أسمع وجاوب ياغلا عن سؤالي
أذا حصل صدفه على البيت مريت=ومن دون علمك صرت واقف قبالي
والموقف أشبه بالمنا لاتمنيت=وش هو شعورك يابعيد المنالي
طاب الفؤادوقلت ياليت ياليت=هذا حقيقي ماطلع بالخيالي
هذي هي الأحلام هقوه تهقويت=هبة هبوب ولاتعدا المدالي
حماس روح وفوضويه وتشتيت=في وجه افضل دون نقص وكمالي
والمشكله تبني لها داخلك بيت=وعالم جميل وبرج بالحلم عالي
وأنا على الأمال اصبحت وأمسيت=وارقا على الأمال روس الطوالي
ماني عن الأحباب مقفي وصديت=وماني بوصل الخل عاقد احبالي
يعني بكل أحساس وأنفاس غنيت=والقاف أغلى قاف يطري افبالي

[سعود المسعودي]

حمد الوايلي


صح لسانك وعلا شأنك




وتسلم يمناك ولاهنت




تقبل تحياتي وجل تقديري

[عاشق المعالي]

الجزل والمبدع دائما

الشاعر : حمد الوائلي

صح لسانك ودمت شاعرا شامخا في سماء الابداع

[البدر]

الشاعر المبدع حمد الوايئي


قصيده تحوي الكثير من مواطن الجمال والقوه وليس الامر غريبا على شاعر مثلك

صح لسانك وتقبل مروري المتواضع

[سالم العنزي]

صح لسانك ياحمد

شكرا لك

[بدرفهد الجعفري]

حمد الوايلي

ليس غريب ان تاتي بالجزل فأنت شاعر وناقد مميز

صح لسانك

[خلف الغريب]

الف صح لسانك يا حمد ..

مشاعر ووجدان راقي جدا وحقيقة اجد عندك هنا الصدق الذي نفتقده في كثير من الشعر ..

الف تحية لك ولا هان هذا الجمال ..