مشاركة الشاعر سعود العواجي في المرحله الثانيه من شاعر المليون
يا هاجسي لا هنـت وردنـي علـى العـد القـراح = وخـل المشاعـر كـل مـا جـفـت تـبـل عروقـهـا
شاعـر وأغنـي فـي زمـان العولـمـة والانفـتـاح = لكـن فـكـري مــا نـسـى الـدحـة ولا طاروقـهـا
اخطي واعاتب خافقي وأطلب مـن الله السمـاح = وآخذ حقوقي في يدي وأعطي الرجال حقوقها
يـا كـم رجـالٍ حفظـتـه داخــل عيـونـي وطــاح = ويــا كــم رجــالٍ حفـظـتـه واسـتـقـر بمـوقـهـا
زرعت هقواتـي علـى قلـوبٍ مواردهـا شحـاح = ولا نبـت فيهـا مــن الاخــلاص شــي يروقـهـا
سفينة أحلامي ولو تمشي علـى عكـس الريـاح = مصيـر حظـي لا ضحـك وقتـي علـي يسوقـهـا
آخايـل مـزون الأمـل علـى مشـاريـف الكـفـاح = يالله عساهـا تنهمـر مــن بـعـد نــوض بروقـهـا
اليـاس يغلـق خافقـي والصبـر يفتـح لـي نجـاح = لأن نـفـسـي نـخـلـةٍ خـضــرا تـــزم عـذوقـهــا
تخـاف مـن نـاسٍ تعيـش الليـل وتـنـام الصـبـاح = وتجهـل مآربهـا ومـا تخـفـي وســط صندوقـهـا
ناسـن تسـاوم بالحـرام بحجـة الـطـرح المـبـاح = حـتـى قــدرت تبـيـع سلعتـهـا ويـنـمـو سـوقـهـا
صـار تغانـم منهـج الإقنـاع باسـلـوب الصـيـاح = وإرضائـهـا كـايــد ولا تـقــدر تـســد حلـوقـهـا
كلامهـا يطعـن شريعتـهـا مـثـل طـعـن الـرمـاح = ولـهـا سنـيـن تنـفـخ بـســرد الـكــلام شـدوقـهـا
أقلامهـا تنـزف مثـل مـا تنـزف الامــة جــراح = وأفكـارهـا ضحـلـة ولا يمـكـن تخـيـط افتوقـهـا
الغـرب لبسـهـا مــن التخـويـن والـذلـة وشــاح = وكـرس مفاهيـم التخلـف فـي مــدارس ذوقـهـا
يالله عسـى بعـد الضـلال يعمهـا نـور الصـلاح = يمكـن تتـوب وتستحـي مـن ربهـا اللـي فوقـهـا
المجاراة :
- الأبيات المطلوب مجاراتها لـ سند الحشار الظفيري :
المدح ما ينحر الدوني == والطيب بالعين ينشافي
- أبيات المجاراة لـ سعود العواجي العنزي :
غنى الظفيري علـى أونـي = ونسجت مـن فكرتـه قافـي
جـريـت بأسبـابـه لـحـونـي = وغنيت من فـوق مشرافـي
لـو كـان ضايـق ومغبونـي = أهـل الوفـا علمـهـم وافــي
والطيب لو غاب مضموني = فـي صـدر رجـالٍ سنـافـي
وأنـا ليـا طـحـت شالـونـي = ربعي هل الموقف الضافي
بالتوفيق للشاعر سعود العواجي
20/02/10, (06:21 PM)
قصيدة الشاعر سعود العواجي في المرحله الثانيه من شاعر المليون
العرض العادي
