مايحس القلب في جرحك؟ - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 06/02/10, (02:31 AM)

مما راااااااااق لي

~

في وسط قلبي سفينه وفي سما حُبك سدَم ،
__________ تشتهي بحرك وتجري عكس شهوتها . . الرياح !

كن هذا الصبح بـ العتمه بليّاك ، إنردَم . .
__________ يا صباح الخير من غيرك بلا ( خير ) الصباح !

أثر ثلج فراقنا يلسَع وشوقك ، ما خِدَم ،
توّي أفهم :
شنهو تعني [ لسعة الثلج ] . .
لـ ( فلاح ) !

لا تحارب . . ما أبيك تعض إبهامك [ نِدَم ] ،
جيت لك :
قصدي إنتـ فاهم ،
شوووف . .
ما أحمل سلاح !

الزعل : غلطة حبايب قلب من قلب إنصِدَم . .
__________ والرضى ساكت ، وعزة نفس تتثاقل سماح !

ياحبيب الجرح . . شوف إحساس محبوبك ( عَدَم ) :
__________ ما يحس القلب في جرحك وهو كله جراح !

كان في وجهك بقى لك دمعتين ، وفيه دَم ؟
__________ هذي [ هُدنه ] نتّفق بـ شروط وننساه اللي راح . .

يا أجي أرضك . . وأترك فيها لي بصمة قدَم ،
__________ أو أصد وأكتب عليها : ( أرض مافيها صلاح ) !

يا أعيش بـ وسط قلبك ونبني كل شي إنهِدَم . .
__________ وإلا قدامك أموت وأوقف بـ وجه [ الرماح ] !

إعتبر نفسك معزّب . . و المشاعر لك : خَدَم ،
__________ وإنت كيفك دام قلبي ( أرض منزوعة سلاح ) !

وإنت كيفك دام قلبي ( أرض منزوعة سلاح ) !

شعر// احمد الصانع

**أبو غرام** · 06/02/10, (02:47 AM)

راقت لي كثيرا اختاه
شكرا لكي ولذائقتكي المتميزه

ودي وتقديري

وصح لسان القائل والناقل

**نافع عيد الجديد** · 06/02/10, (09:29 PM)

الشاعره القديره غموض الشمال
ذائقه راقيه وانتقاء جميل
سلمتي وسلم شاعرها
لاعدمناك

**سليمان الجعفري** · 07/02/10, (09:18 PM)

الشاعره القديره غموض الشمال

ذااائقه راااااقيه وانتقاء جميل

صح لسانك ولسان شاعرها

لك اجمل التحايا والاحترام

**ريماس** · 13/02/10, (09:42 AM)

اوخيتي غموض
اعجبني اختيارك جدا

تسلمين عليه

**غموض الشمال** · 20/02/10, (06:16 PM)

الأخ ابو غرام
الأخ نافع الجديد
الأخ سليمان الجعفري
الأخت ريماس

شكرآ لكم على حضوركم الرااااقي
وشرفني مرور الكبار أمثالكم

تقديري لكم جميعآ

غمووووض

**حمد الخمعلي** · 21/02/10, (11:17 AM)

الاخت غموووووض0

اختيااار جميل0

تسلمين على هاذا الاختيااار ولا تحرميناا من اختياارااتك القاادمه0

كُوني بخير