***سلمت يانسل الشيوخ العريقه***

[ماجد الغانم]

اهداء الى أخي الغاالي

الشاعر

سعود بن عقاب العواجي

الذي شرفنا بحضوره الجزل..

وموقفه الشامخ...

وبإذن الله سيكون التأهل من حليفه

لأننا جميعا سنكون يدا واحده وصوت واحد مع ابو صالح.............


وابو صالح يستحق اكثر ...واعتذر عن أي تقصير

سلمت يانسل الشيوخ العريقه = اللي لهم في ساحة المجد ميقاف
ياسعود ياحافظ معزة رفيقه = بك الأمل معقود ماحوله اخلاف
بقلوبنا يكفي ملكت الوثيقه = ونزهت قافك عن مواضيع الاجحاف
من نهج جدك ماخذٍ لك طريقه =سعدون لا من قلت وش توفي اوصاف
شيخِ يلم الطيب وازكى رحيقه = ونفحة شذاه تفوح مالمّها اغلاف
طيبه تشكل بالجزيرة حديقه = اشجارها ظلٍ بها زين الاصناف
قوي باس وكل فعلٍ يطيقه = ريف الصديق وللمعادين سياف
له بالشعر ديوان يسطع بريقه =ينحت على صم الصخر راهي القاف
ياما غطس وسط البحور العميقه =واستخرج اللولو من بطون الاصداف
الشعر ضمه ضمن صفوة فريقه = ماهو بعاله مكسبه وصف الاضعاف
الشعر بعده ماتهنى دقيقه= ينعى الجزالة كل ماستوطن وطاف
هذا العواجي يوم تذكر حقيقه = فعلة مشرفنا من ايام الاسلاف
واليوم ما تستدرج النفس ظيقه = دامك هنا ياسعود بالمنبر تشاف
تسير وسط البحر تعبر مظيقه = لوان سطح البحر مترامي اطراف
شامخ وتشبه للجبال الشهيقه = وثوب المعزة ظافيٍ كنه الحاف
شاعر مميز تملك احرف انيقه = وتنثر شعور يطرب اسماع الاشراف
شرفتنا بالمحفل اللي تليقه = ورفعة راية مجدنا فوق الاكتاف
كملت مجدٍ له جذورٍ وثيقه= مجدٍ عظيمٍ ماتهدم به اضفاف
كسبت من فعلك علومٍ طليقه = وكفخت باسم الوايلي فوق مشراف
وان جت على الفزعات ماهي عويقه =ربعك حزامك بالمواقف لها اطياف
ابشر بفزعه يابن عمي رشيقه= ماعاقها طول الصحاري والارياف
لجلك ندز الصوت لا مانعيقه= ندعم به اسمك يالعواجي ولا نخاف
وخذها عهد قدام كل الخليقه = واجب اقبل خشمك بكل ميقاف

[هندي المقبل]

بيض الله وجهك مراقبنا وشاعرنا المميز ماجد الجعفري

نعم الرجل انت ونعم الاخلاق هي اخلاقك

هذا هو الوفاء وهذا هو الصدق وهذه هي مواقف الرجال في المواقف التي تحتاج وقفه


صح لسانك على هذه القصيده التي تحمل معاني الاخوه الصادقه والجمال في معانيها

نعم الشاعر سعود العواجي يمثلنا في امور عده ويجب علينا جميعا ان نقف معه مهما حصل ومهما كانت قناعاتنا فلنتجاوز جميع تلك الامور ونقف صفا واحد لدعم سعود العواجي

شكرا ابو غانم

واستأذن من مشرفي الشعر لتثبيت القصيده

[سعد النفج]

الرائع / ماجد الجعفري ..
لا يستغرب الطيب من أهل الطيب فأنت أهل للطيب و الكرم و الصدق يا ماجد ..
هنا ..
نص لا يستغرب من شاعر متمكن لا تمر عليه المناسبات مرور الكرام بل يقف على قمة شعره ليصف المواقف بكل صدق و إخلاص ..
صح لسانك يا بو غانم ..
و يستاهل الشاعر الراقي / سعود العواجي ..
عزالله انه يرفع الراس و شرفنا بشاطيء الراحه و بإذن الله متفائلين بتأهله للمرحله التاليه ..
و ابشر يا بو صالح بعزك ..

[تركي صالح]

الرائع والمبدع / ماجد الجعفري

صح لسانك ملاييييييين

والله يبيض وجهك على هذا الابداع

وعزالله ان كفيت ووفيت

وسعود يستاهل كل خير

ابدع وتميز وشرفنا بحظوره

انشهد ان اب عقاب بيض الوجه وظهر بالمظهر المشرف الذي اسعدنا كثيراً


لله درك يابو غانم

وتقبل خالص التحايا

وكل التوفيق للاخ الشاعر / سعود العواجي

[حمد الخمعلي]

الاخ القدير ماجد الجعفري0


صح لسانك وأنت شاامخ وسعود شاامخ وربعك شاامخين في علوم المراجل كلها0

يستااهل اخي سعود العواجي هذا النص الفاخر0

وبإذن الله سوف يكون الفوز حليفه اذا كان فيه انصاااف من اللجنه0

كُن بخير

أستأذن اخواني المشرفين للتثبيت

[سالم العنزي]

الشاعر ماجد الجعفري

صح لسانك على هذ القصيده وشكرا شكرا لك على هذا الوفاء وهذا الدعم لشاعر فرض احترامه على الجميع

الشاعر سعود العواجي على الرغم من اني ماقابلته لكن كما يقال الخير مع الناس علمه يبيني

[بدرفهد الجعفري]

سعود العواجي يستاهل وانت ياماجد وفيت وكفيت

صح لسانك وكفيت ووفيت