رغبة الطير - °~*¤®§(§ شبـــكة ويــلان العـربـيـه §)§®¤*~ˆ°

**سعد حجيوي** · 29/12/09, (10:37 PM)

محتار بين النزف والجرح ..والضيق
...................والوجد ..والحيره والاحساس ..والشوق
والهجر عقب الوصل ..سقم العشاشيق
....................كم عاشق سقمه على فقد معشوق
ليتك قبل تدخل ..على قلبي تويق
....................وتشوف ماغيرك ..تفياه ... مخلوق
الا أنت ...ويحك عن جميع المخاليق
....................لاهمت به قام يتساقط لك عذوق
الحلم وردي ..يانديم الطواريق
....................وكم حلم وردي مات بالمهد مخنوق
لاسال دم المبهمات المغاليق
..................عطر به أجفان السهر ..وأكحل الموق
القلب طير ..ورغبة الطير تحليق
....................ضاق الفضا به ..والجناحين له عوق
لامن كفخ صارت عروقه مسابيق
.....................والصدر من مابه ..مغاارت وفتوق
فرخ الحرار موالف ..للشواهيق
.....................دايم مراقيبه على الوكر من فوق
اشتلت من ضيق الصدر فوق مااطيق
.................... وغنيت للضيقة على كل طاروق
وعسى غناي يبدد الهم ..والضيق
....................ويسلي اللي هام من فقد معشوق

عاقل الزيد رحمه الله

**نافع عيد الجديد** · 29/12/09, (11:31 PM)

صح لسانك ولسان شاعرها

اسمحلي بتنسيقها لاهنت

لك المعزه والتقدير

**سعد حجيوي** · 30/12/09, (01:09 AM)

هلاوغلا اخوي نافع
صح بدنك الله يرحم من قالها
وتمون على اكبر يابو عيد

**احساس قلم** · 30/12/09, (04:42 AM)

اشتلت من ضيق الصدر فوق مااطيق
.................... وغنيت للضيقة على كل طاروق
وعسى غناي يبدد الهم ..والضيق
....................ويسلي اللي هام من فقد معشوق

صح لسانك استاذي
ورحم الله شاعرها
ابيات روعه
تقبل مروري

**سعود المسعودي** · 30/12/09, (04:45 PM)

صح لسانك ورحم الله شاعرها

**سالم العنزي** · 30/12/09, (07:09 PM)

الله الله
رحم الله الشاعر عاقل الزيد فقد كان من الشعراء المميزين القلائل

سعد حجيوي شكرا على الذائقه الجميله

**سعد حجيوي** · 30/12/09, (08:59 PM)

الاخ سعود صح بدنك
الله يرحم عاقل