بنات البدو

[النايفة]

شحنة بنات البدو غير .. وحبهم .. عوق الكبـود
( جمرة غضى ) تدفي ولكن يحترق من داسها !!
لا حست انك تحبها !! اعطتك حب بـلا حـدود
ولا حست انك تهينها .. ذقت العنا مـن كاسهـا
من الهداوه .. تشعر ان فيها من الثقل البـرود !!
ومن الحراره .. لا تحاكت .. تحرقـك بانفاسهـا
ضحكاتها دقـة وتـر / همساتهـا نفخـة ورود
عيونها قصـر الغـلا / ورموشهـا حراسهـا !!
فيها .. لطافة هل جنيف / ورقة اهل (جويل رود)
وفيها شموخ الترك فالحرب وسمـاع اجراسهـا
اليا تحاكت من دلـع يخضـر فيهـا كـل عـود
وليا تحاكت من غضـب تقـول يـا غطراسهـا
وليا اقبلت / تمشي .. غدا فيها عن الباقيـن زود
وليا ادبرت / تشوي معاليقي .. علـى محماسهـا
الموت والله ماهو .. الموت المسمـى يـا حمـود
الموت والله .. كل مـا آناظـر دقـاق العاسهـا
دلوعة تلبس لهـا برقـع .. ويزهـى بالخـدود
يضيق فيها مـن ترفهـا جسمهـا و لباسهـا !!
فديـت غيرتهـا ونظرتهـا ولفتـات الـصـدود
وفديت بحـة صوتهـا مـن ذوقهـا لاحساسهـا
الطف من الحمل الوديع واشرس من اقوى الاسود
تضيع فيهـا وفـي معالـم طيبهـا فـي باسهـا
معربة عم وخوال وساس مـن سـاس الجـدود
اللي فعـول رماحهـا يكسـر صليـب اقواسهـا
يا حبني للـي حلاهـا مـا يعيـن فالوجـود !!!
( محارة ) في بحرها تصعـب علـى غطاسهـا
فاليا بغيت تحب .. حب من ( أجمل الغيد ) العنود
اللي مهو كل ابلج ٍ .. يقدر يوطي .. راسهـا

[فهد السلقاوي]

لا حست انك تحبها !! اعطتك حب بـلا حـدود
ولا حست انك تهينها .. ذقت العنا مـن كاسهـا
من الهداوه .. تشعر ان فيها من الثقل البـرود !!
ومن الحراره .. لا تحاكت .. تحرقـك بانفاسهـا

اختيار رائع وذاقه

جميله

مشكووووره على الموضوع الرائع


فهد السلقاااااوي

[سعود المسعودي]

النايفه



حضور جميل واختيار رائع




الله يعطيك العافيه

[محمد الزبيني]

في الحقيقه من اجمل مااقرأت .....

وشكرررررررررررا على هذه الالتقاطه ..

[هيـاا العـازمـي]

.
.

النايفة

لله درك على هذا الانتقاء

قصيدة كلها أصالة وعراقة

في انتظار المزيد .. فلا تبخلي

ولكِ الشكر والامتنان الجزيل

تقديري

هيــــاااا

[النايفة]

اخوي فهد السلقاوي
اخوي محمد الزبيني
اخوي سعودالمسعودي
واختي هيا العازمي
شاكرة مروركم

[بدرفهد الجعفري]

من الهداوه .. تشعر ان فيها من الثقل البـرود !! === ومن الحراره .. لا تحاكت .. تحرقـك بانفاسهـا

ياسلامي عليك

اختيار حلو بس ليتك نسقتيها اختي النايفه

شكرا