سلامه اقرب

[كاتب الجعفري]

كاتب الجعفري

منتدى الويلان ماهو منتدى الويلان الاول= ودنا نعرف وش الاسباب ياسيد سلامه
كان ماعندك اجابه حول الموضوع حول= لاجل مايحلقك من ربعك عتاب ولاملامه

سلامة الجعفري

البنوك ام الرصيد المرتفع ترفض تمول = مار لاتلحق علـيـّـه لوم ياراع الفهامه
من يبي ظهر المطيه يعتبر نفسه مخول = مستعد انزل واخلي له شدادي والمسامه

كاتب الجعفري

البنوك ام الرصيد اشوفها قامت تجوّل= لّو بعض الاقتصادات اتشكى من الضخامه
كان ودك بالنصيحة عن شدادك لاتحول= السعودي لو يطيح الجسر ما شاف المنامه

سلامة الجعفري

روح علمهم وقول الفقر فالمرحان طول = مابقى الا خلق لقمة زادهم منها ندامه
الجسر ممكن يطيح بيوم وانته لاتهول = عاد عقبه من يخض البحر لازاد التطامه؟؟

كاتب الجعفري

الريال اللي معك فالجيب خير من التسول= والغناوي في بلاده شح عنك في طعامه
انتبه للكهربا لاينقطع عنها المحول=والله ان المحترم يفرض على الناس احترامه

سلامة الجعفري

ماني بمحتاج وانت الضول لاشفته يضول = يعجبك لو كان مابه من يفكون الجهامه!!
ابك نطق الحق ابااصدع فيه لو قالوا تقول = والبنادم لاتظنه مايحاسب عن كلامه

كاتب الجعفري

حتى انا رجال اميز فالصريح من المؤول= ماني اللي لطلع من جرف حول في عدامه
سولت بعض العرب لنفوسها وابليس سول= لين ما شفنا علامه من علامات القيامه

سلامة الجعفري

نعم بك لاشك كان الكيف يارجال ثول = ماشفق له غير راس ٍ مايفكر بالزعامه
بعد هاذي لاتهولني وتاصفني مهول = لو آقول ان القيامه مابقى منها علامه

[سلامة الجعفري]

البنوك ام الرصيد المرتفع ترفض تمول = مار لاتلحق علـيـّـه لوم ياراع الفهامه
من يبي ظهر المطيه يعتبر نفسه مخول = مستعد انزل واخلي له شدادي والمسامه

[كاتب الجعفري]

البنوك ام الرصيد اشوفها قامت تجوّل= لّو بعض الاقتصادات اتشكى من الضخامه
كان ودك بالنصيحة عن شدادك لاتحول= السعودي لو يطيح الجسر ما شاف المنامه

[سعوط المجانين]

ياسلام

طاروق عالمي بلا مجامله وشعراء عالميين


وماسك الصفين

[ناجي الخمشي]

البنوك ام الرصيد المرتفع ترفض تمول=مار لاتلحق عليّه لوم يـاراع الفهامـه
من يبي ظهر المطيه يعتبر نفسه مخول=مستعد انزل واخلي له شدادي والمسامه

البنوك ام الرصيد اشوفها قامـت تجـوّل=لّو بعض الاقتصادات اتشكى من الضخامه
كان ودك بالنصيحة عن شدادك لاتحـول=السعودي لو يطيح الجسر ما شاف المنامه

ياسلام عليكم مبدعين


متااااااااااااااااااااااابع


تحياتي لكم

[كاتب الجعفري]

سعوط المجانين

ناجي الخمشي


الله لايهينكم شرفتونا

[نافع عيد الجديد]

الله الله

طاروق كايف وشعار كبار
والله يعطيكم العافيه