سر ياقلم وكتب لنا ما بغيناه=أكتب جزيل القاف وترك سريبه

[بنت راشد]

السلام عليكم ورحمة الله وبركاته

هذه القصيدة للشاعرة بنت راشد

.

البارحة والقلب ضاقت حناياه = ودموع عيني فوق خدي ســـــكيبة



يالله ياللي تسجد الناس لرضاه = ياعالم بالكون ســــره وغيبه



يارب تنجي من تعرض لماساه = ويارب تنجي من عرضها غريبه



يالله عساها من مرضها معافاه = وعمر طويل بطـــــاعتك تهتنيبه



اللي لها في خانة العلم مشكاه = وام حنون ومعلمــــــتهم اديبه



جعله طهور وكل شر تعداه = ويا الوايلية ما عــــــلى الله صعيبة



ياكم غريق شاله الموج وانجاه = وليا دعـــا ربه قــــــريب يجيبه



صلوا على اللي ثبت الحق وارساه = اخر نذير للبشـــــر تهديبه

هذه القصيدة من الشاعرة غريبة العنزي تشكر بها جميع من دعا لها بالشفاء
وهي ولله الحمد في صحة جيدة ونسأل الله العزيز العظيم أن يتمم عليها العافية والصحة



و رداً على قصيدة الشاعرة (بنت راشد)السابقه والتي كتبتها في 27\ 9\1430 ولم نعلم بها إلا هذه الأيام حيث كان لها وقعاً كبيراً في نفوسنا لما حملته من مشاعر صادقة ولها منا الشكر الجزيل ولكل من دعا لنا بالشفاء

سر ياقلم وكتب لنا ما بغيناه=أكتب جزيل القاف وترك سريبه
ردٍ على بنت الرجال المسماه= تغوص ببحور الشعر ما تهيبه
مشاعرك يابنت راشد قريناه= بالمنتدى كلٍ قراه ودريبه
واللي دعا لي بالشفاء لاعدمناه=الله يفكه من سهمومٍ مصيبه
اللي دعا لو ما عرفنا وعرفناه =انتي سبب باللي دعا لي بغيبه
أبشرك والحمد للي دعيناه=كم واحدٍ يرجى الشفاء هو طبيبه
ماقدّر المولى علينا رضيناه=والعبد يرضى ما يحوشه نصيبه
يالله ياللي تعلم الغيب يالله = ياعالمٍ بأحوال عبدك وغيبه
ياعالمٍ بأسرار عبدك ونجواه=تحفظ لنا بنت الرجال النجيبه
قسمه على نهج النبي ثبت خطاه=نورٍ من القرآن هي تهتديبه
رمز الوفاء اللي عظيمه سجاياه=الطيب عنوانه ونفسٍ رحيبه
أصدق مشاعر هامة الشعر ترقاه=وأجمل معاني تنتقيه وتجيبه
مثل أم نايف طيب الله مسعاه=أفخر بها بنت الرجال العريبه
الله يفكه من صواديف دنياه=ويمتعه في صحةٍ تهتني به
صلوا على مبعوث حقٍ تبعناه=هادي شفيعٍ للبشر نقتدي به
أعز وأشرف من دعانا ونصرناه=عشق النفوس الطاهرات وحبيبه

شعر صمت المشاعر



[/poem]

[سعد بن هندي]

الحمدلله الذي لا يحمد سواه على سلامت اختنا الشاعره غريبه
وتستاهل بنت راشد القصيده الجزله وليس غريب عليها المواقف الانسانية
ودمتي بخير

[ماجد الغانم]

الأخت والشاعر القديرة

بنت راشد

صح لسانك ...,لاهنتِ

....................
.


ونحمد الله على سلامة الأخت والشاعرة

غريبه العنزي


وماترى شر إن شاء الله ...وطهور بإذن الله


وصح لساانها على هذا الرد الوافي والذي تمثل بهذه القصيده الجزلة


دمتن خواتي بكل خير ...

وتقبلن جل تقديري واحترامي

[بنت راشد]

سعد بن هندي


تشرفت بمرورك الراااائع

الله يعطيك الف عافيه لاهنت

لك اجمل التحايا والاحت

لاخلا ولاعدم

لك

تحياتي

وتقديري

[بنت راشد]

ماجد الجعفري


تشرفت بمرورك الراااائع

الله يعطيك الف عافيه لاهنت

لك اجمل التحايا والاحترام



صح بدنك

وسلم عمرك



لاخلا ولاعدم

لك

تحياتي

وتقديري

[سعود المسعودي]

الأخت والشاعر القديرة

بنت راشد

صح لسانك ...,لاهنتِ

....................
.


ونحمد الله على سلامة الأخت والشاعرة

غريبه العنزي


وماترى شر إن شاء الله ...وطهور بإذن الله

[سليمان الجعفري]

الأخت الفاضله / الشاعر القديرة

بنت راشد

صح لسانك ولاهنتي على هالرااائعه ولجزله بماتعنيه الكلمه

ونحمد الله على سلامة الأخت الفاضله والشاعرة / غريبه العنزي

وماتشوف شر إن شاء الله .. طهور بإذن الله العلي القدير

وصح لساانها على هذا الرد الوافي والذي تمثل بهذه القصيده الجزلة

لكن اجمل التحايا والاحترام