حيل الله اقوى مابقى في يـدي شـيّ..!!

[عبدالعزيز السعود]

حيل الله اقوى مابقى في يـدي شـيّ=مافيه حل ٍ فـي يـدي .. ماذخرتـه
حاولت .. لكن المحاصيل هيّ هـيّ=الطير طـار ولا بقـى إلا شجرتـه
وقفّت اشوف شويّ واغمّض شـويّ=واللي إنكسر في خاطـري ماجبرتـه
لين الحقت شمسي على بارد الفـيّ=وشفت إن كل اللي جمعته خسرتـه
من كثر ماعزيت ريقي عـن المـيّ=ملّ الصبر من كثر صبـر ٍ صبرتـه
كم هقوة ٍ ضاعت على سكـة الغـيّ=وكم حلم ٍفـ ( تراب ) الحقيقه قبرتـه
واقف .. وطعنات الزمن كلهـا فـيّ=وساقي لو إنه كلّ منـي / كسرتـه
بعد ماعاش اليأس في إحساسي الحيّ=اخوي .. لو هو صد عنـي عذرتـه
مدري عن اللي كنت احسبه بقى ليّ=اللي حزمت ابه الضلـوع وذكرتـه
اللي طوى حالي بحكم الهـوى طـيّ=قصّر .. وانا كل الطريق اختصرتـه
ماهو خطا لاقلت ( تآمر على شيّ )=الا الخطا .. لا اشتقت له وانتظرته

..مما راق لي

[سلامة الجعفري]

لايروق لك الا الجميل والرائع

صح لسانك قايلها ويسلم ناقلها


ابيات اعجبتني جدا

[جبار بن عابر]

اللي طوى حالي بحكم الهوى طيّ
قصّر .. وانا كل الطريق اختصرته
ماهو خطا لاقلت ( تآمر على شيّ )
الا الخطا .. لا اشتقت له وانتظرته


الاخ / عبدالعزيز

انتقاء في غاية الجمال

لاهنت طال عمـــرك

وصح لسان شاعرها . وسلمت ايدي الناقل .

[سليمان الجعفري]

اللي طوى حالي بحكم الهوى طيّ
ـــــــــــــــ قصّر .. وانا كل الطريق اختصرته

ماهو خطا لاقلت تآمر على شيّ
ـــــــــــــــ الا الخطا .. لا اشتقت له وانتظرته

الاخ / عبدالعزيز

صح لسانك ولسان شاعرها لاهنت ياالغالي

انتقاء في غاية الجمال والروعه

لك اجمل التحايا والاحترام

[احساس قلم]

عبدالعزيز
قصيدة رائعه
ورائقه جدا
صح لسانك ولسان شاعرها
حيل الله اقوى مابقى في يدي شيّ
مافيه حل ٍ في يدي .. ماذخرته

[سعود المسعودي]

عبدالعزيز

صح اختيارك اختيار رائع

دمت بكل خير

[عوض بن خميس]

الاخ عبد العزيز
دائماااا مميز وكل متنقلة مميز
دام حضورك وتميزك
ودمت بيننا معافااااا