الفرح وقت سكرهـ - °~*¤®§(§ شبـــكة ويــلان العـربـيـه §)§®¤*~ˆ°

**تركي فلاح** · 11/10/09, (05:47 AM)

السلام عليكم ورحمة الله وبركاته

صباح / مساء الخير للجميع

اليكم هذه المتواضعه امام تواجدكم الشامخ ,,,,

ان كان تنشد وش بقى لخيلنا سروج

كل ٍ نسى ياناشد الروح فكره

الوضع عادي والبحر هادي الموج

ولا فيه شيٍ غير .. الأفعال نكره

انجمال الجاهل ونضحك مع الغوج

والمعرفه صاير بنا اليوم نكره

ونشوف راع الطيب والعرف مرجوج

وراع الردى عالي بنا صار ذكره

ضلوعنا ماهي على قلوبنا عوج

وافكارنا فكره غذت بنت فكره

نحط وسط الخرج وبخرجنا خروج

والخرج جايع والبلا زاد شكره

الارض ضاقت والبحر مابه فجوج

والعين ترقب وش معه زاد بكره

اسوج في فكري عن العالم اسوج

وابعد بعيد وكني بوسط مكره

مقيد الخاطر ومنهي ومدموج

والبال ضايق والفرح وقت سكره

والوضع هادي والبحر هادي الموج

ولا عاد غير الطيب .. يفلان نكره

تركي فلاح

**سعود المسعودي** · 11/10/09, (05:50 AM)

تركي فلاح

صح لسانك إلين ترضا

قصيدة جزلة من رأس جزل بالمعاني

أبيات عانقت الأبداع

**اميرة الحرف** · 11/10/09, (10:22 AM)

نحط وسط الخرج وبخرجنا خروج

والخرج جايع والبلا زاد شكره

والخرج جايع والبلا زاد شكره

والخرج جايع والبلا زاد شكره

الله عليك رااائع وجزل صح لسااانك مليوون ولاهنت على هذه الر ااائعه

**محمد خلف الزايدي** · 11/10/09, (10:42 AM)

اخي تركي فلاح ,,

صـــــــــــــــح لســـــــــــــــــــانك على هذه الرائعه جزلة المعاني
والشاعر الجزل لاياتي إلآبمثله فلله درك اخي تركي الفلاح
دام ابداعك وعلى شأنك ودمت مسرور أين ماكنت

تحية احترام لشخصك الكريم
ابوعبدالله

**تركي فلاح** · 16/10/09, (04:28 PM)

كل الشكر لمروركم الكريم ...

لا هنتم وبيض الله وجيهكم ..

كونوا دوما بالجوار .

تركي فلاح

**سالم صالح** · 16/10/09, (05:02 PM)

تركي فلاح

صح السانك رااائعة من شاعر رائع ومبدع

كلمات لامست القلب بكل جراءة واجبرت العين على القراءة والتمعن

تقبل تقديري اخي العزيز

**هندي المقبل** · 17/10/09, (02:10 PM)

تركي فلاح

ابداع شعري لايجيده غيرك

صح لسانك وتقبل اعجابي