نجوم الليل....!!! - °~*¤®§(§ شبـــكة ويــلان العـربـيـه §)§®¤*~ˆ°

**نواف ابن ثويني** · 30/09/09, (10:58 AM)

بسم الله الرحمن الرحيم

نجوم الليل وأنسام الشمال وفتحة الشباك=تذكرني وتطرب عيني ويرتاح خفاقي
لمحتك ياغلاي تنادي وشديتني وياك=تبسملي وانا اقول انتبه لاتنوي فراقي
أنا ياكل ما املك وش يساوي عمري بلياك=انا بشوفك بدا فجري وحانت حزة اشراقي
انا من يوم غبتي ماذكرتيني وانا استناك=واحس اني فقدت الوصل بس اجامل اشواقي
نسيتي يوم وادعتك كلامن مر فوق شفاك؟؟=تقولي زهرة البستان ماتحيا بلا ساقي
سقا الله يوم كان القلب ميناء والحشا مرساك=وحتى اسمك يجي من دون ما اشعر داخل اوراقي
انا ما ادري وش اللي صار يوم ان الزمن قساك=وفجأه نادت بنبرة جزن لاتكمل الباقي
انا احبك انا احبك انا والله ما انساك=تطمن والله انك ماتزال بداخل اعماقي
ودموعي صافحت خدي وكن الدمع وقع اشواك=وكني واحدن نايم وفاق وخاطره فاقي
وطلع كل الكلام اللي ذكرته في ذرى الشباك=سواليفي الحالي والنسيم اثر بخفاقي

**صالح السالم** · 30/09/09, (02:23 PM)

الراائع نواف الثويني

صح الساااااااااااااااااااااااااانك ملايين

كما عوتنا دائما ما تأتي بالمميز
سقا الله يوم كان القلب ميناء والحشـا مرسـاك
وحتى اسمك يجي من دون ما اشعر داخل اوراقي

ننتظر المزيد من ابداعك

تقبل مروري

**مشاري الضوي** · 30/09/09, (02:51 PM)

لمحتـك ياغـلاي تنـادي وشديتـنـي ويــاك
تبسملـي وانـا اقـول انتبـه لاتنـوي فراقـي

نوووواف ابن ثويني صح لساااانك ومبدع

تقبل مرووووووور

**مشاري الضوي** · 30/09/09, (02:52 PM)

هههههههههههههههه
نسيت الياي تقبل مروووووري

**حمد الخمعلي** · 30/09/09, (03:15 PM)

الاخ نواف ثويني

الله عليك على هذه الاسترسال مع فتحت الشباك0

وطلع كل الكلام اللي ذكرته فـي ذرى الشبـاك
سواليفـي الحالـي والنسيـم اثــر بخفـاقـي

صح قلبك وسلم راسك0

تقديري

**ماجد الغانم** · 30/09/09, (10:51 PM)

الغاالي

نواف بن ثويني

صح لسااانك ...على هذا الحضور المبهر

والنص الجميل الذي تظمن هذا الأحساس الراقي

دمت بكل خير

وبإنتظار مزيد من الابداع

لك خالص التقدير والاحترام

**سالم صالح** · 01/10/09, (04:54 PM)

الاخ / نواف ابن ثويني

صح السانك شاعرية رااائعة وحضور مميز ومبهر

بانتظار الاميز منك اخي العزيز وتقبل تقديري